Tuesday, 28 June 2011

[Big Brothers & Sisters] New doc: နိုင်ငံရေးသမားနှင့်အငြင်းအခုံ

created the doc: "နိုင်ငံရေးသမားနှင့်အငြင်းအခုံ"
BigBrother Myanmar created the doc: "နိုင်ငံရေးသမားနှင့်အငြင်းအခုံ"

[By Kaung Myat]

နိုင်ငံရေးသမားနှင့်အငြင်းအခုံ

 

                ' နိုင်ငံရေးလုပ်တယ် 'ဆိုတာဘာလဲလို့မေးရင် နိုင်ငံအတွက် နိုင်ငံအတွင်းမှာရှိတဲ့ပြည်သူပြည်သားတိုင်းရင်းသားများအတွက်

အလုပ်လုပ်ခြင်းလို့ကျနော်သတ်မှတ်ပါတယ် ဘယ်လိုအလုပ်တွေလုပ်ကျသလဲဆိုရင်တော့ ကျရာတာဝန်ကိုထမ်းဆောင်ရမယ်လို့

မြင်ပါတယ်။ကျနော် facebook မှာနိုင်ငံရေးနဲ့ပတ်သက်ပြီးလေ့လာကြည့်တော့ အပြင်မှာတစ်ကယ်လုပ်နေတဲ့အင်အားထက်မနဲ

ဒီ facebook မှာလဲနိုင်ငံရေးပြောဆိုမှုတွေတွေ့ရပါတယ် တစ်ကယ့်ကိုအားတက်စရာကောင်းပါတယ် အားတက်ရုံနဲ့မပြီးသေးတော့

facebook နိုင်ငံရေးပဲပြောမလား ကျနော်ဝင်ရောက်ပြောဆိုသတင်းဖတ်လုပ်မိပြန်ပါရော အဲ့ဒီမှာကျနော် Group တွေထဲကိုပါ

ဝင်မိတော့တာပေါ့ အဲ့ဒီမှာ တစ်ချို့ဂရုတွေမှာ ဆွေးနွေးငြင်းခုံမှုတွေ တစ်ဖက်စောင်းနင်းရေးသားမှုတွေကိုလဲ တွေ့ရပါတော့တယ်

ဒီတော့ အမျိုးသားဒီမိုကရေစီအဖွဲ့ချုပ်( NLD ) နဲ့ ကျနော်တို့ရဲ့ အန်တီ ဒေါအောင်ဆန်းစုကြည်ကိုတိုက်ခိုက်လာတာမျိုးတွေလဲ

တွေ့မြင်ရပါတယ်။

                  ဝေဖန်တိုက်ခိုက်မယ်ဆိုရင်တောင်မှသူတို့ဟာ အဖွဲ့ချုပ်နဲ့ အန်တီတို့ရဲ့ ရပ်တည်မှုကိုသေချာသိပြီးမှဝေဖန်တာမျိုးလုပ်သင့်

တယ်လို့ကျနော်ထင်မြင်ယူဆမိပါတယ် NLD ဟာဘယ်တုန်းကမှ အာဏာရရှိရေးကိုအဓိကမထားခဲ့ပါဘူး ဒီမိုကရေစီရရှိရေးကိုသာ

အဓိကထားခဲ့တာပါ။ ' ၁၉၉၀ ရွေးကောက်ပွဲကိုဆုပ်ကိုင်တယ်ဆိုတာဟာလဲ ပြည်သူများရဲ့ ဒီမိုကရေစီကျကျရွေးကောက် တင်မြှောက်

မှုရလဒ်ဖြစ်တဲ့အတွက်ကြောင့် ဆိုတာငြင်းလို့မရပါဘူး တစ်ကယ်တမ်းက မြန်မာနိုင်ငံရဲ့ပြသာနာဟာ ပြည်သူနဲ့စစ်အာဏာရှင်အစိုးရများ ယခုမှာတော့ မစစ်မှန်တဲ့ ဒီမိုကရေစီအစိုးရနဲ့ပြည်သူ ကြားထဲကပြသာနာပဲဖြစ်ပါတယ်။ NLD ဟာဓါးခုတ်ရာလက်ဝင်ရှိုခဲ့ခြင်းပါ NLD ဆိုတဲ့လက်သာဝင်မရှိုခဲ့ရင်ဒီထက်အခြေအနေပိုဆိုးမှာပါ NLD တစ်ဖွဲ့ထဲကပဲလက်ဝင်ရှိုတာတော့ မဟုတ်ပါဘူး မြန်မာပြည်သူတွေကို တစ်ကယ်ချစ်တဲ့ နိုင်ငံရေးသမားတိုင်းက၀င်ရှိုခဲ့တာပါ ပြည်သူတွေမှာတစ်နည်းတစ်ဖုံသက်သာပေမဲ့ နိုင်ငံရေးသမားတွေကတော့ အကျဉ်းကျ အသက်သေတဲ့အထိပေးဆပ်ခဲ့ရပါတယ်အထိနာခံခဲ့ရပါတယ် သူတို့ကျေကျေနပ်နပ်ကြီးကိုအထိနာခံခဲ့တာပါ။

                  ' ဒီမိုကရေစီ ' ဆိုတဲ့ကျင့်စဉ်ကို ပြည်သူတွေလေ့ကျင့်ဖို့ အန်တီအမြဲကြိုးပမ်းခဲ့ပါတယ်' ဒီမိုကရေစီ ' ဆိုတာဘာလဲ ဒါဟာ ဒီနေရာ မှာအရေးပါလာပါတယ် တိုင်းပြည်ရဲ့  အာဏာကိုပြည်သူတွေရရှိတာဟာဒီမိုကရေစီပါ တိုင်းပြည်ရဲ့အုပ်ချုပ်မှု၊ စီးပွားရေး ၊ကျန်းမာရေး၊ပညာရေးအားလုံးကို ပြည်သူတွေကိုယ်တိုင်ဦးဆောင်ပါဝင်နိုင်ရပါမယ်။   တစ်စုံတစ်ဦးရဲ့ အမိန့်ပေးလုပ်ဆောင်ခိုင်း ချက်ရဲ့  အောက်မှာပြည်သူ တွေလိုက်လုပ်နေရသမျှ ဒီမိုကရေစီမဟုတ်သေးပါဘူး  အန်တီဒေါ်အောင်ဆန်းစုကြည်က ခိုင်းလို့လုပ်နေ တယ်ဆိုရင်တောင် ဒါဟာဒီမိုကရေစီမဟုတ်သေးပါဘူး ဒီမိုကရေစီမှန်ရင် ပြည်သူတွေကအရာရာဦးဆောင်နိုင်ရပါမယ် တက်လာသမျှ အစိုရဖြစ်စေ၊ သမ္မတဖြစ်စေ အားလုံးကိုပြည်သူတွေကခိုင်းစေနိုင်ရပါမယ် မကြိုက်ရင်ဖြုတ်ချနိုင်ရပါလိမ့်မယ် ဒီမိုကရေစီခေတ် မှာ  ပြည်သူဟာသခင်ပါ အစိုးရဟာကျွန်ပါ ရှင်းပါတယ်အစိုးရလုပ်ချင်ရင် ပြည်သူတွေခိုင်းတာလုပ် မလုပ်နိုင်ရင်ရာထူး ကဆင်းရုံပါပဲ အလွန်ကောင်းတဲ့ဒီမိုကရေစီပါ  အန်တီကိုယ်တိုင်က ပြည်သူတွေဒီမိုကရေစီအနှစ်သာရသိအောင် ဟောပြောကြိုးပမ်းခဲ့တာပါ။ခုဆိုရင်လဲ ကွန်ယက်တွေဖွဲ့ပြီးပြည်သူတွေ ချိတ်ဆက်ဆောင်ရွက်တက်အောင် ဦဆောင်တက်တဲ့အလေ့အကျင့်တွေပေါ် လာအောင်ကြိုးပမ်း   ဆောင်ရွက်  နေဆဲပါဒီတော့ ပြည်သူတွေဖက်က လိုအပ်ချက်တစ်ခုကတော့ နိုင်ငံရေးဗဟုသုတရှာမှီးဖို့နဲ့အခြား ကဏ္ဍပေါင်းစုံ အတွက် ပါဗဟုသုတတွေရှာမှီးရပါမယ် နောက်အရေးကြီးတဲ့တစ်ချက်က ညီညွှတ်ရပါမယ်။

                    အဲ့တော့ပြည်သူတွေအာဏာရရှိဖို့ကြိုးစားလုပ်ဆောင်နေတဲ့ NLD လိုပါတီမျိုးကို ပါတီအာဏာရရေ ဒေါ်အောင်ဆန်းစုကြည်

အာဏာရရေးအတွက်လုပ်ဆောင်နေပါတယ်လို့ တိုက်ခိုက်ပြောဆိုမှုတွေရပ်ပါတော့လို့ပြောကြားလိုပါတယ်။နောက်တစ်ချက် အဖွဲချုပ်

ဟာအင်းအားချိနဲ့နေပြီ ပြည်သူကိုဦးဆောင်ဦးရွက်မပြုနိုင်တော့ဘူး လို့ပြောနေတဲ့သူတွေကိုတော့ ကျနော်ပြောချင်ပါတယ် NLD ဟာလူထုအတွက်လုပ်ရင်းလူထုအားနဲ့ရပ်တည်နေတာပါ နောက်တစ်ချက်အင်းအားနဲ့ရပ်တည်နေတာမဟုတ်ပါဘူး စိတ်ဓါတ်နဲ့ရပ်တည်  ရပ်တည်နေတာပါ။ပြီးတော့ NLD ဟာမျိုးဆက်အသစ်တွေမွေးထုတ်မပေးနိုင်ဘူးဆိုတဲ့ကိစ္စ ဒါဟာလဲမှားပါတယ် လက်ရှိ NLD မှာ အရည် အချင်းပြည့်ဝတဲ့လူငယ်တွေအများကြီးပါ သူတို့ဟာကျော်ကြားချင်လို့နိုင်ငံရေးလုပ်တာမဟုတ်တဲ့အတွက်ရော၊ စည်းကမ်းစနစ်တကျနဲ့

သေသေ၀ပ်ဝပ်လုပ်ဆောင်နေတဲ့အတွက်ရော လူမသိသလိုဖြစ်နေတာပါ သူတို့ဟာပေါ်ပင်နိုင်ငံရေးသမားတွေမဟုတ်ကျပါဘူး NLD

လူငယ်တွေထောင်ကျနေတာတွေအများကြီးရှိသလို ထောင်ကထွက်လာတာမကြာသေးတဲ့သူတွေရော လှုပ်ရှားမှုတွေကြောင့်ထောင်ကျ

လိုက်ထောင်ထဲကပြန်ထွက်လာလိုက် ပြန်လှုပ်ရှားလိုက်ထောင်ပြန်ကျလိုက်နဲ့ တစ်ကယ်ပင်ပန်းဆင်းရဲခံ၊ကားခလိုက်တောင်းပြီး

နိုင်ငံရေးလုပ်နေတဲ့လူငယ်တွေအများကြီးပါ  သေချာလေ့လာကြည့်ရင်တွေ့နိုင်ပါတယ်။                                                                                                                                                                                                   တချို့တွေဝေဖန်တိုက်ခိုက်နေတဲ့နောက်တစ်ချက်ရှိပါသေးတယ် ဒါကတော့

 

" ဦးမိုက်ကယ်အဲရစ်နဲ့ ဘာလို့ယူတာလဲ ဘာလို့ လက်ထပ်တာလဲဆိုတာပါ "

 

                    ဒီနေရာမှာတော့ ကျနော့ကိုဘဘဦးမိုးသူတစ်ခေါက်ပြောပြဖူးတဲ့ အန်တီနဲ့သူတို့မိတ္ထီလာ ခရီစဉ်မှာ သတင်းထောက်တစ်

ယောက်က အန်တီ့ကိုအဲ့လိုမေးခွန်းမေးတဲ့အတွက် ဘဘဦးမိုးသူတို့က အင်းသူဘယ်လိုဖြေမှာပါလိမ့် တော်တော်ခတ်တဲ့မေးခွန်းလို့ တွေး

နေတဲ့အချိန်မှာပဲ အန်တီဟာအဲ့မေးခွန်းကို အတုံ့အဆိုင်းမရှိပြန်ဖြေခဲ့တာက

 

" ကျမက အင်္ဂလန်မှာသွားနေတာလေ အင်္ဂလန်မှာကျောင်းတက်ခဲ့တာလေ အင်္ဂလန်သားနဲ့ရတာပေါ့ မိတ္ထီလာမှာနေရင် မိတ္ထီလာသားနဲ့

ရမှာပေါ့ "

                တဲ့ အဲ့လိုရိုးရိုးရှင်းရှင်းလေးဖြေသွားခဲ့ပါတယ်။ဟုတ်ပါတယ် လူတိုင်းကလူ့အခွင့်အရေးအရကော ဘယ်သက်မှတ်ပြဌာန်းချက် မှာမှ နိုင်ငံခြားသားနဲ့မယူရဘူးလို့မရှိပါဘူး လူတစ်ဦးချင်းစီရဲ့လွတ်လပ်ခွင့်ပါ ဒါကိုတိုက်ခိုက်စရာကိုမလိုအပ်ပါဘူး ရှင်းပါတယ်။

 

                  ငြင်းခုံတယ်ဆွေးနွေးတယ်ဆိုတာ နိုင်ငံရေးရဲ့ဖြစ်ရိုးဖြစ်စဉ်ပါ ဒါကိုလူငယ်တွေအနေနဲ့လက်ခံနိုင်ရပါမယ် လူတိုင်းမှာမတူတဲ့

အမြင်၊မတူတဲ့သဘောထားဆိုတာတွေရှိပါတယ် နိုင်ငံရေးဆိုတာအဲ့လိုကြီးငြင်းခုံနေတာမျိုးပဲလားဆိုပြီး စိတ်ပျက်ပြီးလူငယ်တွေနိုင်ငံရေး

ကိုရှောင်သွားမှာကျနော်အကြောက်ဆုံးပါပဲ နိုင်ငံရေးလုပ်တယ်ဆိုတာခတ်ခဲတဲ့အလုပ်ပါ ဘယ်တုန်းကမှလဲမလွယ်ခဲ့ပါဘူးအဲ့တော့ 

ဆွေးနွေးငြင်းခုံမှုတွေကိုကြောက်လို့တော့ နိုင်ငံရေးစိတ်ပျက်မသွားဖို့ မေတ္တာရပ်ခံချင်ပါတယ်။တစ်ချို့ဆွေးနွေးမှုတွေဟာအဖိုးမတန်ပါဘူး

တစ်ချို့ဆွေးနွေးပွဲတွေဟာအဖိုးတန်လွန်းမကတန်နေတက်ပါတယ် ဒီတော့ဆွေးနွေးချက်တွေကိုသေချာနားထောင်ပြီးကိုယ့်အတွက်

ဗဟုသုတရနိုင်သမျှရအောင်လုပ်နိုင်ရပါမယ်၊မမှန်မကန်တဲ့အတွေးခေါ်မျိုးကိုယ့်ခေါင်းထဲမှာဖြစ်ပေါ်မလာအောင် ဆင်ခြင်သုံးသပ်နိုင်ရ

ပါမယ် မိမိရဲ့မှန်ကန်မှုကိုတိုက်ခိုက်လာမဲ့သူတွေကိုလဲ ရှောင်ရှားနိုင်ရပါမယ် လိုအပ်လာရင်တော့ပြန်လည်တုံ့ပြန်ပြောဆိုနိုင်ရပါမယ်။

                 နိဂုံးချုပ်အနေနဲ့ကတော့ လူငယ်တော်တော်များများ အသိတော်တော်များများ ကျနော့ကိုမေးတဲ့မေးခွန်းပါ အဲ့မေးခွန်းက

 

' ဒီမိုကရေစီဘယ်တော့ရမှာလဲတဲ့ '

                                                     အဲ့မေးခွန်းကိုကြုံရင်ဘယ်လိုပြန်ဖြေရမလဲဆိုတာကို ကျနော်တို့ကိုအန်တီပြောလိုက်ပါတယ်

 

" အဲ့မေးခွန်းကိုမေးတဲ့သူကိုပြန်မေးလိုက်ပါ ဒီမိုကရေစီဘယ်တော့ရမလဲလို့ မေးတဲ့သူက ဒီမိုကရေစီအတွက်ဘာတွေလုပ်ပြီးပြီလဲ

ကိုယ်လုပ်ပြီးတဲ့အတိုင်းအတာပေါ်ကိုပဲကြည့်ပြီးဘယ်တော့ ဒီမိုကရေစီရမလဲ ဘယ်လောက်ခရီးရောက်နေပြီလဲဆိုတာဆုံးဖြတ်ပါ ဘာမှ

မလုပ်ရသေရင်တော့ အဲ့မေးခွန်းကိုတောင်မေးခွင့်မရှိဘူးလို့အန်တီယူဆပါတယ် "

 

 

        ( facebook တွင်အချိန်နှင့်အမျှပြည်သူလူထုအတွက် သတင်းတင်ပေးနေကျသော၊ လူငယ်များအတွက်လိုအပ်သော ဆောင်းပါး

        များကိုတင်ပေးနေကျသော ညီအစ်ကိုမောင်နှမများအားလုံးကိုအထူးကျေးဇူးတင်ပါတယ် ဒီ note ကိုလိုအပ်မယ်ထင်လို့ ရေး

        လိုက်ချင်းဖြစ်ပါတယ်အမှားပါရင်ခွင့်လွှတ်ပေးကျပါလို့ တောင်းပန်အပ်ပါတယ် ဒီ note ဟာကျနော်တစ်ဦးတည်းရဲ့အမြင်မျှသာ

        ဖြစ်ကြောင်းပြောကြားလိုပါတယ်ခင်ဗျာ )                                                                    

 

                                                                                                                    အားလုံးကိုလေးစားခင်မင်လျှက်

                                                                                                                                                          ကောင်းမြတ်


View Post on Facebook · Edit email settings · Reply to this email to add a comment.

No comments:

Post a Comment