Saturday, 11 June 2011

[Big Brothers & Sisters] New doc: စက္ကူမြင်း တောင်တွင်းရထား

created the doc: "စက္ကူမြင်း တောင်တွင်းရထား"
Rozoner King created the doc: "စက္ကူမြင်း တောင်တွင်းရထား"

စက္ကူမြင်း တောင်တွင်းရထား

[By Thet Linn Wai ]

 

အို တောင်တွင်းရထား

အို ကြေးနီရထား

အို မြို့သစ်ရထား

ပျဉ်မနားမှ နဂါးတစ်ကောင်

ပူလောင်အငွေ့ ဝေ့ပတ်မှုတ်ထုတ်

တဂျုတ်ဂျုတ်နဲ့ အသော့ ခုတ်မောင်း

မညောင်းမညာ ကဗျာဆရာ အတွေး

စကြဝဠာ ပတ်ပြေးသလို

တာဝေး အပြေးချန်ပီယံ

"ဗင်ဂျွန်ဆန်"နှလုံးခုန်သံလို

မှန်မှန်စည်းချက်

ဂျောက်ဂျက်သံပေးရင်းနဲ့

လယ်ဝေးဘူတာရုံ

မြူလွှာတွေ ခြုံသလို ဖြစ်နေတဲ့

ဖုန်ထူထူတွေ ကြားထဲမှာ ရပ်လိုက်တယ်

ပျဉ်းကတိုးတုံး ကျွန်းတုံး

အင်ကြင်းတုံး သစ်ရာတုံး

သစ်မာတုံး ပိတောက်တုံး

မျောက်ချောတုံး တမလန်းတုံး

ဘာတုံး ညာတုံးမှန်း မသိတဲ့

သစ်လုံးတွေကြားမှာ ဖားသူငယ်လို

ဘူတာအိုကလေး ပင့်ကူမြှေးယှက်

အိပ်စက်နေရာက လန့်နိုးလာပြီး

ဂျမဒါတစ်ယောက် ငေါက်ခနဲ အသာထ

လာသမျှခရီးသည်

လက်မှတ်ဝယ်ကြ

လက်မှတ်ဝယ်ကြ

နောက်ကျမှ လက်မှတ်မပါ

ရှက်စရာလူတွေ မဖြစ်ကြစေနဲ့လို့

တဖွဖွ အောင်ရင်း အချင်းချင်းကို ပြောင်ပြက်

ဂျွတ်တက်နေတဲ့ သံချောင်းကို

တဂျောင်းဂျောင်းခေါက်လိုက်တယ်။

ရထားပလက်ဖောင်း

ဘယ်ပြောင်းထားသလဲမသိ

ယိုင်တိယိုင်နဲ့ ငိုမဲ့မဲ့ ရထားကြီးက

လဲရာက ထလာတဲ့ပုံ

တုန်တုန်ချည့်ချည့် နွမ်းရိမောဟိုက်

အိပ်ငိုက်ရာက ထပြီး

ခရီဒဆက်တော့မယ် အလုပ်

ကသီကရီ အထုပ်အပိုး မနိုင့်တနိုင်

တပီ့တပီ ထဘီချုပ်ရိုး မခိုင့်တခိုင်နဲ့

မိန်းမတစ်ယောက်

ရထားပေါက်မှာ တိုးလို့တွဲလောင်း

တောင်းတွေ ပလုံးတွေကို

အတင်း ထိုးတင်ရင်း

ဟဲ့ သေခြင်းဆိုး

အရင် တစ်ခေါက်တုံးကလဲ

ဒူးတွေပြဲ ခေါင်းတွေကွဲလို့

ရင်ဆို့လောက်ရှိတဲ့ ရထားတွဲပေါ်ကို

မနည်းတက်ခဲ့ရတယ်

ခုတစ်ခေါက်လဲဆိုပြီး

အဆဲကောင်းချီးသြဘာပေးနေတယ်။

ဖုတ်တထောင်းထောင်းနဲ့

လှည်းကြမ်းမောင်းသလို ခုန်နေတဲ့

တောင်တွင်းရထားဟာ

ရိုးပြတ်လယ်ကွင်းတွေ

နေကြာခင်းတွေ

သစ်တောစိုက်ကွင်းတွေ

ကြံခင်းတွေ

အင်ကြင်းတောတွေဖြတ်ပြီး

ရိုးမအစပ်ကို ဝင်ခဲ့တယ်။

တိမ်ကလဲ ပြာ တောင်ကလဲ ပြာလို့

ရေကလဲ ပြာ မြေလဲ ပြာလို့

တောကလဲ ပြာ မြူလဲ ပြာလို့

ကဗျာဆရာ "ဘလော့"ရဲ့

"ဝင်းပသော လေ"ဆိုတာကို

ငါမမြင်ခဲ့ဘူးပေမယ့်

အလယ်ရိုးမတောင်ခြေက

အပြာရောင်လေကိုတော့

ငါမြင်ဖူးပြီဟေ့။

ပုလွေးချောင်းတံတားကိုအဖြတ်

မတ်တပ်ရပ်လျက်က

ငုံ့ကြည့်လိုက်တော့

အနားကော့လန်နေတဲ့

ကျွန်းရွက်ခြောက်တစ်ရွက်

ယက်ကန် ယက်ကန်နဲ့

ချောင်းရေစီးသန်သန်မှာ

မျောပါသွားလေရဲ့။

အို ကျွန်းရွက်

အသင် ဘယ်ဘက်ကို သွားနေသလဲ

ဘယ်ကွေ့ကို ဘယ်တက်နဲ့ လှော်မလဲ

ဘယ်မှော်ကို ဘယ်လိုရှောင်မလဲ

ဘယ်သောင်ကို ဘယ်လိုရှဲမလဲ

ဘယ်ဝဲကို ဘယ်လိုဖြတ်မလဲ

ချောင်းဖျားအစ

မလိခက ဆင်းလာတဲ့ သင်ဟာ

ပင်ပန်းချင် ပင်ပန်း

ထွက်လာတဲ့ ခရီးကြမ်းကိုတော့

လမ်းဆုံးအောင်သွားရလိမ့်မယ်။

တောင်တွင်းရထားပေါ်မှာလဲ

သဲသဲလှုပ်နေတဲ့ ကျွန်းရွက်ခြောက်တွေ

ကျွန်းရွက်ခြောက်တွေ

ထန်းခေါက်ဖာကို ပိုက်သူပိုက်

သံသေတ္တာကို နှိုက်သူက နှိုက်

တချို့ ငိုက်သူကငိုက် အိပ်သူကအိပ်

ပုတီးစိတ်သူက စကားမပြော

စကားပြောသူက သောသောညံ

သူတို့စကားသံတွေထဲမှာ

ဆန်ဈေး အကြောင်း

ကြံဈေး အကြောင်း

သားဈေး အကြောင်း

ငါးဈေး အကြောင်း

မျှစ်ဈေး အကြောင်း

ပဲဈေး အကြောင်း

ကျွဲဈေး အကြောင်း

ထန်းလျက်ဈေး အကြောင်း

ဝက်ဈေး အကြောင်း

အရက်ဈေး အကြောင်း

သမက်ဈေး အကြောင်း

ဝါးဈေး အကြောင်း

ဆားဈေး အကြောင်း

နွားဈေး အကြောင်း

ဘုရားဈေး အကြောင်း

ဆီဈေး အကြောင်း

ထဘီဈေး အကြောင်း

နေ့ပြန်ပေး အကြောင်း

ပဲဖော်ပေး အကြောင်း

အမတော်ကြေး အကြောင်း

ဂိတ်ကြေး အကြောင်း

ဝင်ကြေး အကြောင်း

လစဉ်ကြေး အကြောင်း

ဘာကြေး အကြောင်း

ညာကြေး အကြောင်း

အကြောင်းပေါင်းစုံ

ဈေးပေါင်းဆုံ ကြေးပေါင်းစုံ

အင်း

တောင်တွင်းကို သွားတဲ့မြင်းဟာ

သံမဏိမြင်းတော့ သံမဏိမြင်းပါပဲ

ဒါပေမယ့် ပြတင်းက ရွဲ့

တံခါးကပဲ့ပြီး သံချေးတက်လက်ကိုင်

ထိုင်ခုံက ကျိုး

အမိုးက ဆန်ကာပေါက် ဗရပွ

အကာက ဆေးရောင်ပျက်

မျက်နှာကြက်နဲ့ အမိုးကြားမှာ

တူပုန်းတမ်း ကစားကြလို့

တချို့ပဲ့ တချို့ဟောင်းလောင်း

စိတ္တဇ ပန်းချီကားကောင်းတစ်ခုကို

ကြည့်ရသလိုပါပဲ။

သံမဏိမြင်း တောင်တွင်းရထားဟာ

တံတားတွေဖြတ် ဘူတာစဉ်ရပ်

ရိုးစပ်ကိုဝင် လွင်ပြင်ကို ဆင်းလာခဲ့တယ်။

တောင်တွင်းရောက်တော့

တဒေါက်ဒေါက် ပြေးလာတဲ့

သံမဏိမြင်းကြီးဟာ

အသက်ကို မျှဉ်းမျှဉ်းသာ ရှူတော့တဲ့

စက္ကူမြင်းကြီး ဖြစ်သွားရှာတယ်။

စက္ကူမြင်းကြီးပေါ်က ကျွန်းရွက်တွေ

ဘဝအထွေထွေ အနေအမျိုးမျိုး

ရိုးမတစ်ကြောက သစ်ခုတ်သမားလဲပါရဲ့

ယာသမားနဲ့ ကြံတောင်သူ

ဆန်မှောင်ခိုသူလဲရှိ

အလှူရေစက်ချ ပစ္စည်းဝယ်သူ

တစ်နယ်က မိဘကို ကန်တော့ပြန်လာသူ

ရန်ကုန်ကိုသွားပြီး ပင်စင်လျှောက်သူ

ကျောက်ကုန်ကူးသူ

အမူးသမားက လျက်ဆားသည်ဆီမှာ

နမူနာတောင်းလို့။

 

ဖြူပြာပြာ အသားပေါ်မှာ

ပါးကွက်ကျားထူထူ

မျက်နှာထားစူစူနဲ့ တောသူမလေး

အဝေးက တောရိပ် တောင်ရိပ်တွေကို

ကြည့်လိုက်

ငေးလိုက်

တွေးလိုက်။

သူဘာတွေကို တွေးနေတယ် ထင်သလဲ

ဆရာတင်ရဲ့ ရွှေပြည်စိုးကို ညည်းရင်း

ရွှံ့တွေ ကပ်စေးကပ်စေး ပုတီးလုပ်ကာ

အုန်းမှုတ်ခွက်ကို ဆင်ကာ

ဒေါ်လာပြားကို

ဆယ့်ငါးပြားလောက်ဆွဲချင်တာလို့

အသံဝါကလေးနဲ့

ညည်းမယ် ထင်သလား။

 

မဟုတ်ဘူး။

ခိုင်ထူးရဲ့ သီချင်းတစ်ပုဒ်ကို

ပြန်ဆိုထားတဲ့

မနေ့ညက ပြဖာတ်မင်းသားရဲ့

စကားချိုပလီနဲ့ ပျားချိုရည်ကို

လွမ်းနေတာ။

အကြမ်းအနု နှစ်ခုလုံးပိုင်တဲ့

ဒိုင်ဗင်တွေ အိုင်တင်တွေ

ဖိုက်တင်တွေကို လွမ်းနေတာ။

သူ့ဘေးမှာ လူမမာတစ်ယောက်

ဘာဘူစောင်စုတ်ကို ခြုံပြီး

သံပတ်ကုန်သွားတဲ့ စက်ရုပ်တစ်ရုပ်လို

မလှုပ်မယှက် ငြိမ်သက် တိတ်ဆိတ်

လှဲအိပ်လာရင်း တဟင်းဟင်းညည်း

သီချင်းကြီးတစ်ပုဒ်ကို မဆိုတတ်ဆိုတတ်

ဖန်သားပြင်ပေါ်မှာ "ကလို့ဇပ်"ရရင်ရ

မရလဲ မတ်တပ်ရပ်ပြရရင်

လူဖြစ်ရကျိုး နပ်ပြီဆိုတဲ့

အဆိုတော်ရူးရဲ့ ညည်းသံမျိုးလို။

 

သြော် ဟုတ်လား

ကင်ဆာတဲ့လား ရင်နာသတဲ့လား

ပျဉ်းမနားဆေးရုံမှာ

ဆေးစုံအောင်စား မေးတုန်အောင်ဖျား

သွေးကုန်အောင်စု

အရေးကုန် ကုခဲ့ပြီလား

သူ့ရောဂါက မသေ အနှေးနဲ့ အမြန်

ရက်ပိုင်းသာ ကျန်တော့လမို့

အိမ်ကို ပြန်ခေါ်ပြီး

ကျွေးချင်ရာ ကျွေးတော့လို့

ဆရာဝန်က ထင်မြင်ချက်ပေးလိုက်သတဲ့။

ဒီလိုနဲ့

စက္ကူမြင်း တောင်တွင်းရထားပေါ်မှာ

မျှော်လင့်ချက်မဲ့ရာကိုသွားနေတဲ့သူ

မျှော်လင့်ချက်ရှိရာကို သွားနေတဲ့သူ

မရဏဆီကို သွားနေတဲ့သူ

ဘဝဆီကို သွားနေတဲ့သူ

ဒီအထဲ

ဘဝဆီကိုလည်း မသွား

မရဏဆီကိုလည်း မသွား

မျှော်လင့်ချက်ရှိရာကိုလည်းမသွား

မျှော်လင့်ချက်မဲ့ရာကိုလည်း မသွား

ဥပေက္ခာဝါဒီ မိန်းမငယ်တစ်ယောက်

မို့မောက်တဲ့ ရင်ခွင်မှာ

အခါလည်ရွယ် ကလေးငယ်ကိုပိုက်

လက်မောင်းညိုသွယ်သွယ်နဲ့ ပွေ့ချီ

အိမ်သာနံရံကို မှီပြီး

မတ်တပ်ရပ် လိုက်လာတယ်။

 

မြို့တော် ရန်ကုန်က ဆေးရုံမှာ

ဂုန်နီအိတ် ပတ်ထားတဲ့ သူ့ယောက်ျားရဲ့

နံပတ်ပြား ထိုးထားတဲ့ အလောင်းကို

ပိုင်ရှင်မဲ့ အသုဘအဖြစ်

အမျှသာ ယူရစ်ကြပေတော့လို့

ထားပစ်ခဲ့ပြီး

ဝေးလံတဲ့ ခရီးကြမ်းကြီးကို ထွက်လာခဲ့တယ်။

 

မနေ့ညနေ ခြောက်နာရီမှာ

ရန်ကုန်ဘူတာကြီးက ထွက်ကတည်းက

သဲသဲ လှုပ်လှုပ် လူအုပ်တွေကြားထဲ

တိုးဝှေ့တက်လာခဲ့ပြီး

ရထားကြီးပေါ်ရောက်တော့

ဟိုလျှောက် သည်လျှောက်

ခေါက်တုံး ခေါက်ပြန်

အမြန်ရထားပေါ်မှာ

ထိုင်စရာ ထိုင်ခုံလိုက်ရှာတော့

သူ့လက်မှတ်မှာ ထိုင်ခုံနံပါတ်မရှိ

တွဲနံပါတ်မရှိ ဘာမျှမရှိ

နတ္ထိ။

ပြည့်ကျပ်နေတဲ့ လူသွားလမ်းမှာ

လမ်းလျှောက်စရာ မရှိ

ဟိုက ဖိ သည်က ဖိ

ဟိုက ဆဲ သည်က ဆဲ

ထိုင်လို့လဲမရ ထလို့လည်းမရ

ခြေချစရာက မရှိနဲ့

တအိအိတိုးလာတော့

နောက်ဆုံးမှာ အိမ်သာဘေး

ခြေချစရာ တစ်နေရာရလို့

အထုပ်ကို ချ

ကလေးငယ်ကို ခါးထစ်ခွ ချီတစ်လှည့်

ပွေ့ပိုက်ချီ တစ်လှည့်

ဟိုလှည့် သည်လှည့်

ဟိုစောင်းသည်စောင်း

တဂျောင်းဂျောင်း ခုတ်နေတဲ့

ရထားကြီးပေါ်မှာ

မိုးချုပ်က မိုးလင်း

မိုးလင်းက မွန်းတည့်

မွန်းတည့်က မွန်းတိမ်း

မွန်းတိမ်းက မွန်းယိမ်း

မွန်းယိမ်းက နေစောင်းသည်အထိ

မညောင်းမညာ

မတ်တပ်ရပ် လိုက်လာပြီး

ဒုက္ခရစရိယာအကျင့်ကို ကျင့်လာတဲ့

ဥပေက္ခာဝါဒီ။

 

ကဗျာဆရာ ငါဟာ

ဘာမဟုတ်တဲ့ ကိစ္စလေးကို

တစ်ဆိတ် တစ်အိတ်လုပ်ရင်း

ငုတ်တုပ်ထိုင် ညည်းနေတယ်

ငါညည်းပေမယ့် ရထားကြီးကတော့

သွားမြဲသွားနေမှာပါပဲ။

 

ဒါပေမယ့် တောင်တွင်းရထားဟာ

သွားရင်းနဲ့ သံမဏိမြင်း မဟုတ်တော့ဘဲ

စက္ကူမြင်း ဖြစ်သွားရှာပြီ။

စက္ကူမြင်းကြီး ဂျုံးဂျုံးကျလို့

သံတိုသံစ ဖြစ်သွားတော့မှ

အဲဒီသံတိုသံစတွေကို အရည်ကျိုပြီး

ပိုမိုအားကောင်းတဲ့

သံမဏိမြင်းတစ်ကောင်

ထူထောင်ရမှာပေါ့။

 

အို တောင်တွင်းရထား

အို ကြေးနီရထား

အဲဒီအခါမှာ

သင့် အသွင်ထူးခြား

သဏ္ဍာန်ထူးခြား

နတ်မြင်းပျံလို မြူးကြွားသည့် ဟန်

သင့် ခွာသံသည်

မိုးယံ ပဲ့တင်ထပ်စေသတည်း။

 

  မောင်သစ်တည်

  ပိတောက်ပွင့်သစ်၊ စာပေအနုပညာမဂ္ဂဇင်း၊အမှတ် (၂၂)၊ ဇန်နဝါရီလ၊ ၂၀၀၉ ။


View Post on Facebook · Edit email settings · Reply to this email to add a comment.

No comments:

Post a Comment