Sunday, 12 June 2011

[လွပ်လပ်ခြင်း] ပြည်ထောင်စုသမ္မတ မြန်မာ...

ပြည်ထောင်စုသမ္မတ မြန်မာ နိုင်ငံတော်၏၀န်ကြီးဌာနအချို့တွင် လာဘ်ပေးလာဘ်ယူ ကိစ္စရပ်များကို တိုက်ဖျက်နိုင်ရေးအတွက် ဌာနတွင်း အဖွဲ့များ ဖွဲ့စည်း၍ စုံစမ်းဖော်ထုတ်နေကြောင်း ၀န်ကြီးဌာနအချို့ထံမှ သတင်းရရှိပါသည်။
Thway Thitsar 12 June 18:09
ပြည်ထောင်စုသမ္မတ မြန်မာ နိုင်ငံတော်၏၀န်ကြီးဌာနအချို့တွင် လာဘ်ပေးလာဘ်ယူ ကိစ္စရပ်များကို တိုက်ဖျက်နိုင်ရေးအတွက် ဌာနတွင်း အဖွဲ့များ ဖွဲ့စည်း၍ စုံစမ်းဖော်ထုတ်နေကြောင်း ၀န်ကြီးဌာနအချို့ထံမှ သတင်းရရှိပါသည်။

"လာဘ်ပေးလာဘ်ယူကိစ္စနဲ့ ပတ်သက်ပြီး သတင်းထွက်ပေါ်နေသူတွေ၊ ပြည်သူလူထုက တိုင်ကြား သူတွေနဲ့ လာဘ်ပေးလာဘ်ယူ လုပ်လို့ရနိုင်တဲ့နေရာဌာနတွေကို အဓိကထားပြီး စုံစမ်းဖော်ထုတ်နေပါတယ်။ လာဘ်ပေးလာဘ်ယူမလုပ်ဖို့လည်း မေတ္တာရပ်ခံထားတယ်။ လုပ်တဲ့သူတွေကိုလည်း သတိပေးထားတယ်၊ မလိုက်နာရင် လမ်းညွှန်ချက်တွေနဲ့ အညီအရေးယူသွားမှာပါ။ အရင်ကတည်းက လာဘ်ပေးလာဘ်ယူကိစ္စ တွေကို တားမြစ်အရေးယူပါတယ်။ အခုပိုပြီး တိတိကျကျ လုပ်သွားဖို့ရှိပါတယ်"ဟု ၀န်ကြီးဌာနတစ်ခုရှိ လာဘ်ပေးလာဘ်ယူ တိုက်ဖျက်ရေး ဆိုင်ရာအဖွဲ့ဝင်တစ်ဦးက ပြောကြား ပါသည်။

ပြည်ထောင်စုသမ္မတ မြန်မာနိုင်ငံတော် အစိုးရအဖွဲ့၏ နိုင်ငံတော် သမ္မတကြီး ဦးသိန်းစိန်ကလည်း မတ်လ ၃၁ ရက်နေ့တွင် ကျင်းပသော မိန့်ခွန်းနာခံခြင်းနှင့် ကတိသစ္စာပြုခြင်း အခမ်းအနားတွင် အစိုးရဌာနများ၌ ဖြစ်ပေါ်နေသော လာဘ်ပေးလာဘ်ယူ ကိစ္စရပ်များကို တိုက်ဖျက်သွားရန် ထည့်သွင်းပြော ဆိုခဲ့ပါသည်။
တစ်ဖက်က တိုက်ဖျက်သလို တစ်ဖက်ကလည်း လာဘ်ပေးလာဘ်ယူ လုပ်ရတဲ့ အကြောင်းအရင်းတွေကို ဖြေဖျောက်ပေးနိုင်ဖို့ အရေးကြီးတယ်။ နိုင်ငံရဲ့ အရေးတကြီး ပြင်ဆင်ရမယ့် အကြောင်းရင်းတွေထဲမှာ အကျင့်ပျက် ခြစားမှုကိစ္စလည်း ပါနေတယ်

လာဘ်ပေးလာဘ်ယူ တိုက်ဖျက်ရေးကိစ္စရပ်နှင့် ပတ်သက်၍ နိုင်ငံတော်သမ္မတကြီးက"သန့်ရှင်း တဲ့အစိုးရတစ်ရပ် ဖြစ်ဖို့အတွက်ကတော့ အဂတိတရားကင်းရှင်းဖို့ လိုအပ်ပါတယ်။ လာဘ်ပေးလာဘ်ယူ ခြင်းဟာ တိုင်းပြည်နဲ့ လူမျိုးရဲ့ ဂုဏ်သိက္ခာကိုထိခိုက်စေခြင်းကြောင့် မိမိကိုယ်တိုင်သော်လည်းကောင်း၊ မိမိတာဝန်ယူရတဲ့ အဖွဲ့အစည်းအား လည်းကောင်း ကင်းကင်းရှင်းရှင်းရှိအောင် ထိန်းကျောင်းကြပ်မတ်သွား ဖို့ လိုအပ်ပါတယ်။ နိုင်ငံတော်က အပ်နှင်းထားတဲ့လုပ်ပိုင်ခွင့်ကို တလွဲ အသုံးချပြီး မိမိအပေါင်းအသင်း ရောင်းရင်းတွေဖြစ်လို့ လုပ်ပိုင်ခွင့် ပိုပေးတာတွေ၊ မိမိရဲ့ဆွေမျိုးသားချင်းတွေဖြစ်လို့ အခွင့်အလမ်းတွေ ပိုပြီး ဖန်တီးပေးနေတာတွေ မလုပ်မိဖို့ အထူးအရေးကြီးပါတယ်။ ဒါတွေကို ရှောင်ကြဉ်နိုင်မှ သန့်ရှင်းတဲ့အစိုးရ အဖြစ် မှတ်ကျောက်တင်ခံကြရမှာ ဖြစ်ပါတယ်"ဟု မိန့်ခွန်းတွင် ထည့်သွင်းပြောကြားခဲ့ပါသည်။

တည်ဆဲဥပဒေများအရ ပြည်သူ့ဝန်ထမ်းများ လာဘ်ပေးလာဘ်ယူပြုခြင်းနှင့် ပတ်သက်၍ အရေးယူနိုင်သော ဥပဒေများမှာ ၁၉၄၈ ခုနှစ် အဂတိလိုက်စားမှု တားမြစ်ရေးအက် ဥပဒေနှင့် ရာဇသတ်ကြီးပြစ်မှုဆိုင် ရာဥပဒေပုဒ်မ ၁၆၁၊ ၁၆၂၊ ၁၆၃၊ ၁၆၄ နှင့် ၁၆၅ တို့ဖြစ်ကြောင်း ပြဋ္ဌာန်း ထားသောဥပဒေများအရ သိရသည်။

ထိုသို့ပြဋ္ဌာန်းထားသော ဥပဒေ များအရ အရပ်သားနှင့် လူတိုင်း ကျူးလွန်နိုင်သည့် ပြစ်မှုမျိုးနှင့်ရာထူး အာဏာကို အလွဲသုံးစားပြုလုပ်ပြီး တံစိုးရယူမှုမျိုးအတွက် ပြစ်မှုကျူးလွန်သော ၀န်ထမ်းကို တရားစွဲဆိုရန် ခွင့်ပြုမိန့်တောင်းခံရန် မလိုအပ်ကြောင်း သိရသည်။ ဥပမာ အမှုနှင့် ပတ်သက်၍လာဘ်ယူသည့် တရားသူကြီး၏ အပြုအမူသည် တာဝန်အရ ဆောင်ရွက်ခြင်းဖြစ်သည်ဟု မဆိုနိုင်သဖြင့် တရားစွဲဆို ခွင့်ပြုမိန့်ရယူ ရန်မလိုကြောင်း၊ ငွေစာရင်းကိုင်တစ်ဦး အလွဲသုံးစားပြုသည့် ပြစ်မှုသည် တာဝန်နှင့် အပ်စပ်ခြင်းမရှိ၊ ရာထူး ကို အခွင့်အရေးယူ၍ ကျူးလွန်သည့် အပြုအမူ ဖြစ်သဖြင့် တရားစွဲဆို ခွင့်ပြုမိန့် ရယူရန် မလိုအပ်ကြောင်း၊ လူနာကိုစမ်းသပ်စဉ် ခိုးမှု၊ မတရား ပြုကျင့်မှုကျူးလွန်သည့် ဆရာဝန်ကို တရားစွဲဆိုရန် ခွင့်ပြုမိန့်ယူရန် မလိုကြောင်း တရားစီရင်ထုံးများနှင့် တရားရုံးညွှန်ကြားလွှာများတွင် ဖော်ပြထားပါသည်။

"အကျင့်ပျက်ခြစားမှုကို တိုက်ဖျက်ဖို့ လိုပါတယ်။ ဒီကိစ္စက အမှန်တကယ်ဖြစ်ပေါ်နေတဲ့ ကိစ္စရပ်တစ်ရပ်ဖြစ်ပြီး အကျိုးဆက်အနေနဲ့ လူ့ အဖွဲ့အစည်းရဲ့ စာရိတ္တကို ယိုယွင်း စေသလို နိုင်ငံရဲ့အကျိုးစီးပွားကိုလည်း နစ်နာဆုံးရှုံးမှုများစွာ ဖြစ်ပေါ်စေနိုင်ပါတယ်။ ဒီကိစ္စကြောင့် လူတန်းစား အသီးသီးရဲ့စိတ်ဓာတ်တွေ ယိုင်နဲ့စေတယ်။ သူများမိုးခါးရေသောက်တိုင်း လိုက်သောက်သူတွေ များလာတယ်။ ဓလေ့ထုံးတမ်း၊ ရိုးရာလို ဖြစ်လာနေတယ်။ ဒါကြောင့် တိုက်ဖျက်သင့်ပါတယ်။ တစ်ဖက်က တိုက်ဖျက်သလို တစ်ဖက်ကလည်း လာဘ်ပေးလာဘ်ယူ လုပ်ရတဲ့အကြောင်းအရင်းတွေကို ဖြေဖျောက်ပေးနိုင်ဖို့ အရေးကြီးတယ်။ နိုင်ငံရဲ့အရေးတကြီး ပြင်ဆင်ရမယ့် အကြောင်းရင်းတွေထဲမှာ အကျင့်ပျက် ခြစားမှုကိစ္စလည်းပါနေတယ်။ လုပ် ပိုင်ခွင့်အရ၊ နေရာအရ၊ အခွင့်အရေးအရစတဲ့ အခြေအနေမျိုးကနေ ပုံစံ အမျိုးမျိုး၊ ပမာဏအမျိုးမျိုး လာဘ်ပေးလာဘ်ယူ လုပ်နေတာတွေ ရှိနေတယ်။ တိုက်ဖျက်ဖို့ကြိုဆိုသလို တစ်ဖက်ကလည်း လာဘ်ပေးလာဘ်ယူ မလုပ်ဘဲ၊ လုပ်စရာမလိုဘဲ ရပ်တည် နိုင်တဲ့၊ ရပ်တည်ချင်တဲ့ အနေအထား တွေ ဖြစ်ဖို့လည်းလိုတယ်လို့ ယူဆပါတယ်"ဟု ပါမောက္ခဒေါ်လှမြင့် က ထင်မြင်ချက်ပေးပါသည်။

သမ္မတအကြံပေးအဖွဲ့ဝင် တစ်ဦးကလည်း "သန့်ရှင်းတဲ့ အစိုးရအဖွဲ့ ဖြစ်ချင်ရင် လာဘ်ပေးလာဘ်ယူကိစ္စနဲ့ အကျင့်ပျက်ခြစားမှုကို တိုက်ဖျက်ဖို့ လိုကိုလိုအပ်ပါတယ်။ ဒါက လုပ်သင့်တဲ့ အနေအထားဖြစ်ပါတယ်။ မူဝါဒ တွေချပြီးချက်ချင်း အကောင်အထည် ဖော်မယ်ဆိုရင် ဖော်လို့ရတယ်။ ကောင်းမွန်တဲ့ အစိုးရဖြစ်ဖို့အတွက် သန့်ရှင်းတဲ့အစိုးရက အရေးကြီးတဲ့ အစိတ်အပိုင်းတစ်ရပ် ဖြစ်ပါတယ်။ ပွင့်လင်းမြင်သာမှုမရှိရင်၊ သာတူ ညီမျှ အခွင့်အလမ်းမရှိရင်၊ ယှဉ်ပြိုင် နိုင်စွမ်းမရှိရင်၊ မျှတတဲ့လူမှုစီးပွား ဘ၀မရှိရင် အကျင့်ပျက်ခြစားမှုတွေ များပြားနိုင်ပါတယ်။ အဲဒီလိုနိုင်ငံ တစ်နိုင်ငံမှာ အကျင့်ပျက်ခြစားမှုဖြစ်နေရင် ဖွံ့ဖြိုးတိုးတက်အောင်လုပ်ဖို့ ခက်ခဲပါတယ်။ တိုင်းပြည်ရဲ့ အဓိက အခြေခံပြဿနာရပ်တွေထဲမှာ ပါဝင်တဲ့အတွက် တိုက်ဖျက်နိုင်ဖို့လိုပါတယ်။ ကဏ္ဍပေါင်းစုံကို အခြေခံကအစပြု ပြင်မယ့် အလားအလာတွေကိုလည်း တွေ့ရပါတယ်"ဟု သုံးသပ်ပါသည်။

"လာဘ်ပေးလာဘ်ယူ ကိစ္စရပ်တွေကို တိုက်ဖျက်နိုင်မှသာ တိုင်းပြည်ဖွံ့ဖြိုးတိုးတက်နိုင်မှာ ဖြစ်ပါတယ်။ အကျင့်ပျက်ခြစားတဲ့ကိစ္စကိုတွန်းလှန် တိုက်ဖျက်ဖို့ လွယ်ချင်မှလွယ်မယ်၊ ဒါပေမယ့် လုပ်ကို လုပ်ရမှာပါ"ဟု ပါမောက္ခဒေါ်ရီရီမြင့်က ရှင်းပြသည်။

View Post on Facebook · Edit email settings · Reply to this email to add a comment.

No comments:

Post a Comment