Monday, 13 June 2011

[Freedom Burma] 14.06.2011 နေ့ဖတ်ရန်သတင်းများ

14.06.2011 နေ့ဖတ်ရန်သတင်းများ ဗီယက်နမ် စစ်ရေးလေ့ကျင့်မှု တရုတ် ကန့်ကွက် ကချင်ဘက်က ကျယ်ပြန့်စွာ ခုခံဖို့ စစ်ဆင် တိုင်းရင်းသား နိုင်ငံရေး အကျဉ်းသား မိသားစုတွေကို ဒေါ်အောင်ဆန်းစုကြည် တွေ့ဆုံ မဲခေါင်မြစ်အတွင်း မြန်မာနဲ့လော ပူးတွဲကင်းလှည့်မယ် FEC ဈေး ဒေါ်လာထက် ၁၀၀ ကျပ်ကျော်ကျ  မြန်မာနိုင်ငံသွားတဲ့ မြောက်ကိုရီးယားသင်္ဘော အမေရိကန် ရေတပ်က တားဆီး အိုင်အယ်လ်အို ညီလာခံသို့  ဒေါ်အောင်ဆန်းစုကြည် ဗီဒီယို မိန့်ခွန်းပေးပို့ ရန်ကုန်တိုင်းမှာ လေဆင်နှာမောင်း တိုက်၍ ဈေးနှင့် နေအိမ်များ ပြိုကျ ပျက်စီး ထိုင်းစက်ရုံက ကယ်တင်ခဲ့တဲ့ အလုပ်သမား ၃၀ ကျော် မြန်မာဖက် ပြန်ပို့ နိုင်ငံရေးအကျဉ်းသား လွတ်မြောက်ရေး ဆုတောင်းပွဲ ပြုလုပ်မည် မန္တလေးမီး အိမ် ၆ လုံး လောင်ကျွမ်း  အရှေ့အာရှဆိုင်ရာ ကမ္ဘာ့စီးပွားရေး နှီးနှောဖလှယ်ပွဲ စတင်
Ye Thurein Min 13 June 23:14
14.06.2011 နေ့ဖတ်ရန်သတင်းများ
ဗီယက်နမ် စစ်ရေးလေ့ကျင့်မှု တရုတ် ကန့်ကွက်
ကချင်ဘက်က ကျယ်ပြန့်စွာ ခုခံဖို့ စစ်ဆင်
တိုင်းရင်းသား နိုင်ငံရေး အကျဉ်းသား မိသားစုတွေကို ဒေါ်အောင်ဆန်းစုကြည် တွေ့ဆုံ
မဲခေါင်မြစ်အတွင်း မြန်မာနဲ့လော ပူးတွဲကင်းလှည့်မယ်
FEC ဈေး ဒေါ်လာထက် ၁၀၀ ကျပ်ကျော်ကျ
မြန်မာနိုင်ငံသွားတဲ့ မြောက်ကိုရီးယားသင်္ဘော အမေရိကန် ရေတပ်က တားဆီး
အိုင်အယ်လ်အို ညီလာခံသို့  ဒေါ်အောင်ဆန်းစုကြည် ဗီဒီယို မိန့်ခွန်းပေးပို့
ရန်ကုန်တိုင်းမှာ လေဆင်နှာမောင်း တိုက်၍ ဈေးနှင့် နေအိမ်များ ပြိုကျ ပျက်စီး
ထိုင်းစက်ရုံက ကယ်တင်ခဲ့တဲ့ အလုပ်သမား ၃၀ ကျော် မြန်မာဖက် ပြန်ပို့
နိုင်ငံရေးအကျဉ်းသား လွတ်မြောက်ရေး ဆုတောင်းပွဲ ပြုလုပ်မည်
မန္တလေးမီး အိမ် ၆ လုံး လောင်ကျွမ်း
အရှေ့အာရှဆိုင်ရာ ကမ္ဘာ့စီးပွားရေး နှီးနှောဖလှယ်ပွဲ စတင်

ဗီယက်နမ် စစ်ရေးလေ့ကျင့်မှု တရုတ် ကန့်ကွက်
ဗီယက်နမ်နဲ့ တရုတ်နိုင်ငံအကြား သယံဇာတ ပေါကြွယ်ဝမယ်လို့ ယူဆရတဲ့ ကျွန်းတကျွန်းနဲ့ ပတ်သက်ပြီး အငြင်းပွားတင်းမာမှု ဖြစ်ပွားနေစဉ် အတွင်းမှာပဲ ဗီယက်နမ်နိုင်ငံက တောင်တရုတ်ပင်လယ်ထဲမှာ ကျည်ဆံ အစစ် အသုံးပြုပြီး ရေတပ်စစ်ရေးလေ့ကျင့်မှုတွေပြုလုပ်ခဲ့ပါတယ်။
စစ်ရေးလေ့ကျင့်မှုကို ဗီယက်နမ် ရေပိုင်နက်အတွင်းမှာရှိတဲ့ ကျွန်းငယ်တကျွန်းမှာ ပြုလုပ်ခဲ့တယ်လို့ ဗီယက်နမ် ရေတပ်အရာရှိတယောက်က ပြောပါတယ်။ ဒီစစ်ရေးလေ့ကျင့်မှုဟာ တရုတ်ကို ဆန့်ကျင်ပြသတဲ့ လေ့ကျင့်မှု တခုအဖြစ် တရုတ် အစိုးရ သတင်းစာ ဂလိုဘယ်တိုင်းမ်စ် က ကန့်ကွက် ရှုတ်ချခဲ့ပါတယ်။
တရုတ်ဘက်က ဗီယက်နမ်သင်္ဘောတွေ ရဲ့ ရေနံစမ်းသပ် တူးဖော်ရေး ပိုက်လိုင်းတွေကို ဖြတ်တောက်ပစ်ခဲ့တယ် လို့ ဗီယက်နမ်ဘက်က စွပ်စွဲ ပြောဆိုခဲ့ပါတယ်။ ဗီယက်နမ်ဘက်ကလည်း တရုတ်ငါးဖမ်းသင်္ဘောတွေကို တရုတ်ပိုင်နက်ထဲမှာ နောက်ကလိုက်ခဲ့တယ်လို့ တရုတ်ဘက်က စွပ်စွဲပါတယ်။
 
ကချင်ဘက်က ကျယ်ပြန့်စွာ ခုခံဖို့ စစ်ဆင်
ကချင်ပြည်နယ် မိုးမောက်မြို့နယ်အတွင်း တာပိန်ရေအား လျပ်စစ်စက်ရုံ အနီးမှာ မြန်မာအစိုးရ စစ်တပ်နဲ့ ကချင် လွတ်လပ်ရေး တပ်မတော် (KIA) တို့ တိုက်ပွဲ ဆက်လက် ပြင်းပြင်းထန်ထန် ဖြစ်ပွားနေပါတယ်။
အရင်နှစ်ရက်ကလဲ တိုက်ပွဲ ပြင်းပြင်းထန်ထန် ဖြစ်ခဲ့ပြီး တနင်္လာနေ့မှာလဲ တိုက်ပွဲက အရှိန်ကျမသွားပဲ ဆက်လက်ပြင်းထန်နေ ဆဲလို့ KIO ကချင် လွတ်လပ်ရေးအဖွဲ့ တွဲဘက် အထွေထွေ အတွင်းရေးမှူး ဦးလာနန်က ဘီဘီစီကို ပြောပါတယ်။
အစိုးရတပ်တွေဘက်ကလည်း အင်အားဖြည့်တင်းတာတွေ ဆက်ရှိနေတဲ့အတွက် ကချင်ဘက်ကလည်း Padang Hkrun Lam (အောင်နိုင်ရေးစစ်ဆင်မှု) ပဒန် ခွန်လမ်ဆိုတဲ့ စစ်ဆင်ရေးတစ်ခု ချမှတ်ပြီး တပြည်နယ်လုံး ကျယ်ကျယ်ပြန်ပြန့်လုပ်ဆောင်မယ်လို့ ဦးလာနန်က ပြောပါတယ်။
တာပိန်ရေအားလျှပ်စစ် စက်ရုံနေရာကိုတော့ အစိုးရတပ်ဘက်က ခြေကုပ်ယူထားပြီး အဲဒီနေရာကို KIA တပ်ကလည်း လက်နက်ကြီးတွေနဲ့ ပစ်ခတ်တာတွေ ရှိတယ်လို့ ဆိုပါတယ်။ ဒီစက်ရုံက တရုတ်နိုင်ငံဘက်ကို ရေအားလျှပ်စစ် ထုတ်လုပ်ရောင်းချတဲ့ စက်ရုံဖြစ်ပါတယ်။ တိုက်ပွဲဖြစ်တဲ့အချိန်မှာတော့ စက်ရုံဝန်ထမ်း တရုတ်အင်ဂျင်နီယာတွေနဲ့ အလုပ်သမားတွေ တရုတ်ဘက် ထွက်ပြေးသွားလို့ စက်ရုံဆက်လက် လည်ပတ်မှု ရှိမရှိ မသိရပါဘူး။
တိုက်ပွဲအတွင်း နောက်ထပ် နှစ်ဘက် ကျဆုံး ထိခိုက်ဒဏ်ရာရရှိမှု ရှိမရှိလည်း မသိရသလို အစိုးရဘက်ကလည်း ဒီစစ်ပွဲအကြောင်း တရားဝင် ထုတ်ပြန်ပြောဆိုတာ မရှိသေးပါဘူး။ တနင်္ဂနွေနေ့ကတော့ ကချင်တပ်သား ၄ ဦး ကျဆုံးခဲ့ပါတယ်။
ကမ်းလှမ်းပေမယ့် မအောင်မြင်
တနင်္ဂနွေညက နေပြည်တော်မှာရှိနေတဲ့ အရင် နအဖ အစိုးရဝန်ကြီးဟောင်းတစ်ဦးက နှစ်ဘက် ရင်းနီးသူတစ်ဦးက တဆင့် စစ်ပွဲရပ်စဲနိုင်ဖို့ ဆိုပြီး ပြောဆိုလာတာ ရှိတယ်လို့ ဦးလာနန်က ပြောပါတယ်။ ဘယ်သူ ဘယ်ဝါဆိုတာကိုတော့ ထုတ် မပြောပါဘူး။
KIA တပ်ကို ၂ ရက်လောက် သည်းညည်းခံပေးဖို့ သူက ပြောပေမယ့် ကချင်တပ်ဘက်ကတော့ စစ်ပွဲဆိုတာ ၂ ရက်အတွင်း အမျိုးမျိုးပြောင်းလဲနိုင်တာမို့ တနင်္လာနေ့ မွန်းတည့် ၁၂ နာရီထိပဲ အချိန်ဆွဲထားနိုင်ပြီး အဲဒီကာလအတွင်း အစိုးရဘက်က အပြုသဘော မတုံ့ပြန်ရင် စစ်ဆင်ရေးတစ်ရပ် ဆင်နွဲမယ်လို့ သူက ပြောပါတယ်။
အခုလို ကချင်ပြည်နယ်မှာ တိုက်ပွဲဖြစ်နေသလို တခြား တိုင်းရင်းသားနယ်မြေတွေဖြစ်တဲ့ ရှမ်းနဲ့ ကရင်တို့ဘက်မှာလည်း အရင် အပစ်ရပ်အဖွဲ့တွေနဲ့ အစိုးရတပ်တို့ တိုက်ပွဲတွေ ဖြစ်နေတာ လနဲ့ချီ ရှိနေပါပြီ။
အစိုးရအနေနဲ့ နယ်ခြားစောင့်တပ် လက်မခံတဲ့ တိုင်းရင်းသားတပ်တွေကို အလုံးအရင်းနဲ့ မဟုတ်ရင်တောင် တဖြည်းဖြည်းနဲ့တော့ ချေမှုန်းသွားမယ့် အစီအစဉ်ရှိနိုင်တယ်လို့ NDD ဒီမိုကရေစီနဲ့ ဖွံ့ဖြိုးတိုးတက်ရေး အင်အားစုက သုတေသနမှူး ဦးဌေးအောင်က ပြောပါတယ်။
 
တိုင်းရင်းသား နိုင်ငံရေး အကျဉ်းသား မိသားစုတွေကို ဒေါ်အောင်ဆန်းစုကြည် တွေ့ဆုံ
နှစ်ရှည် ထောင်ဒဏ် ကျခံနေကြရတဲ့ တိုင်းရင်းသား ခေါင်းဆောင် ဦးခွန်ထွန်းဦး၊ ဦးစိုင်းညွန့်လွင်၊ ဦးစိုင်းလှအောင် တို့ရဲ့ မိသားစုတွေကို ဒေါ်အောင်ဆန်းစုကြည် တွေ့ဆုံအားပေးခဲ့ပါတယ်။
ဦးခွန်ထွန်းဦးဟာ နှလုံးရောဂါ၊ ဆီးကျိတ်ရောင် ရောဂါတွေ ခံစားနေရပြီး ကျန်းမာရေး အခြေအနေ သိပ်မကောင်းဘူးလို့လည်း SNLD ရှမ်းတိုင်းရင်းသားများ ဒီမိုကရေစီ အဖွဲ့ ခေါင်းဆောင် ဦးစိုင်းလိတ်က ပြောပါတယ်။
သူတို့ သုံးဦးစလုံးကို ရှမ်းပြည် အတိုင်ပင်ခံ ကောင်စီ ဖွဲ့စည်းဖို့ ကြိုးစားတယ် ဆိုတဲ့ စွပ်စွဲချက်နဲ့ ထောင်ဒဏ် နှစ်ရှည်ချမှတ် ခဲ့တာ ဖြစ်ပါတယ်။
ဦးခွန်ထွန်းဦးက ထောင်ဒဏ် ၉၃ နှစ်၊ ဦးစိုင်းညွန့်လွင်က ထောင်ဒဏ် ၈၅ နှစ်၊ ဦးစိုင်းလှအောင်က ထောင်ဒဏ် ၇၉ နှစ် အသီးသီး ကျခံနေကြရတာ ဖြစ်ပါတယ်။
 
မဲခေါင်မြစ်အတွင်း မြန်မာနဲ့လော ပူးတွဲကင်းလှည့်မယ်
ရွှေတြိဂံနယ်မြေအတွင်း မဲခေါင်မြစ်ကြောင်းမှာ ဓါးပြတိုက်တာ ပြန်ပေးဆွဲတာတွေ မကြာခဏဖြစ်နေတာကြောင့် လောနဲ့ မြန်မာစစ်တပ်တွေ အင်အားတိုးချပြီး ရေကင်းလှည့်တာတွေ ပူးတွဲလုပ်ဆောင်ဖို့ သဘောတူ လက်မှတ်ရေးထိုးခဲ့ကြပါတယ်။
ရွှေတြိဂံတိုင်းမှူး ဗိုလ်မှူးချုပ် သန်းထွန်းဦးနဲ့ လောတပ်မတော် ဒုတိယစစ်ရေးအရာရှိ ဗိုလ်မှူးချုပ် ဘွားလိယန့် ကျမ်းပါးဖန်းတို့ ဦးဆောင်ပြီး ပြီးခဲ့တဲ့ ကြာသာပတေးနေ့က လောနိုင်ငံမှာ ဆွေးနွေးခဲ့ကြပြီး အခုလို သဘောတူခဲ့ကြတာ ဖြစ်ပါတယ်၊။
ရွှေတြိဂံနယ်မြေ မဲခေါင်မြစ်ကြောင်းမှာ အများအားဖြင့် တရုတ်ကုန်တင်သင်္ဘောတွေ အသွားအလာများတဲ့ အလျောက် ဓါးပြတိုက်ခံရတာလည်း တရုတ်သင်္ဘောတွေ များတယ်လို့ ဆိုပါတယ်။
မကြာခင်က လောဘက်ကမ်းမှာ ဖွင့်ထားတဲ့ ကာဆီနိုပိုင် မော်တော်ဘုတ်တစင်းပေါ်က လူ ၁၃ ဦးကို ပြန်ပေးဆွဲတာတွေ ကာဆီနိုကို လှေနဲ့ လာကြတဲ့ တရုတ်သူဌေးတွေကို ဓါးပြတိုက်တာတွေ ဖြစ်ပွားခဲ့တယ်လို့ ရှမ်းသံတော်ဆင့် သတင်းဌာနက လက်ထောက်အယ်ဒီတာ ဦးစိန်ကြည်ကပြောပါတယ်။
ဒီလို ဓါးပြတိုက်တာ ပြန်ပေးဆွဲတာတွေ လုပ်နေတဲ့ အဖွဲ့တွေ ထဲမှာ လောလောဆယ် နာမည်ထွက်နေတဲ့ အဖွဲ့ကတော့ ရှမ်းလူမျိုး နော်ခမ်းဦးဆောင်တဲ့အဖွဲ့ဖြစ်ပြီး လူအင်အားအနည်းဆုံး ၈၀ လောက်ရှိတယ်လို့ ဦးစိန်ကြည်က ပြောပါတယ်။
အခုလို နှစ်နိုင်ငံက စစ်တပ်တွေ ပူးပေါင်းဆောင်ရွက်ဖို့ သဘောတူခဲ့ပြီဆိုတော့ ဓါးပြတိုက်တဲ့အဖွဲ့တွေကို နှိမ်နင်းဖို့ ပိုလွယ်ကူလာနိုင်တယ်၊ ဒါပေမယ့်လည်း တောတောင်ထူထပ်တဲ့နေရာမှာ လူအင်အား ငွေအင်အားတွေ ကိုပါ အသုံးပြုရမှာမို့ ပိုလို့ အခက်အခဲတော့ ရှိနိုင်တယ်လို့ တာချီလိပ်မြို့နယ်က လုံခြုံရေးအရာရှိတဦးက ပြောပါတယ်။
 
FEC ဈေး ဒေါ်လာထက် ၁၀၀ ကျပ်ကျော်ကျ
ဧရာဝတီ Monday, 13 June 2011 17:29
အမေရိကန်ဒေါ်လာနှင့် တန်ဖိုးတူညီသည်ဟု သတ်မှတ် ထုတ်ဝေထားသော FEC (foreign Exchange Certificate) တယူနစ်လျှင် ဒေါ်လာထက် ကျပ် ၁၀၀ ကျော် နိမ့်ကျနေ သောကြောင့် FEC နှင့် ငွေလက်ခံရသော လုပ်ငန်းများ အခက်အခဲ ဖြစ်နေကြကြောင်း သတင်းရရှိသည်။
အမေရိကန်ဒေါ်လာ တန်ဖိုးသည် လွန်ခဲ့သည့် ရသတ္တ ၃ ပတ်ခန့်ကတည်းက တရိပ်ရိပ် ကျဆင်းနေပြီး ယနေ့ ဈေးနှုန်းမှာ ၁ ဒေါ်လာလျှင် ၇၄၅ ကျပ်သာရှိ၍ FEC တယူနစ်လျှင် ၆၄၀ ကျပ်သာ ရှိတော့သည်။
ထိုသို့ FEC ဈေးနှုန်းများ ကျဆင်းနေသောကြောင့် FEC ဖြင့် ပေးချေရသည့် ဟိုတယ်များ၊ လေကြောင်းလိုင်းများ၊ ခရီးသွား ကုမ္ပဏီအများစုက လုံးဝ လက်မခံတော့ကြောင်း ရန်ကုန်အခြေစိုက် စီးပွားရေးဈေးကွက်မှ စုံစမ်း သိရှိရသည်။
"အထူးသဖြင့်တော့ ခရီးသွားကုမ္ပဏီတွေ၊ လေကြောင်းလိုင်းတွေ၊ ဟိုတယ်တွေ အများစုကတော့ FEC ကို လုံးဝ လက်မခံဘူး။ အစိုးရက FEC ကိုလက်ခံဖို့ ညွှန်ကြားချက်ထုတ်ထားတာ ရှိတယ်။ တချို့ကတော့ FEC တ၀က်၊ ဒေါ်လာတ၀က် လက်ခံတာမျိုး ရှိတယ်။ ငွေလဲနှုန်း ပြဿနာက တော်တော်ကို တက်နေပြီ။ ဒေါ်လာရယ်၊ FEC ရယ် ဈေးကျ လွန်းတဲ့အတွက် ခရီးသွား လုပ်ငန်းတွေ အကုန်ထိတယ်" ဟု ရန်ကုန် အခြေစိုက် ခရိးသွား ဧည့်လမ်းညွှန် တဦးက ပြောသည်။
ရန်ကုန်မြို့ရှိ Park Royal Hotelသည်လည်း ငွေလဲနှုန်း ကွာဟမှုကြောင့် FEC ကို လက်ခံမည် မဟုတ်ဘဲ အမေရိကန် ဒေါ်လာကိုသာ လက်ခံမည် ဖြစ်ကြောင်း ရှင်းပြသည်။
"FEC လက်မခံဘူး။ အစိမ်း (အမေရိကန်ဒေါ်လာ) ပဲ လက်ခံပါတယ်။ ငွေလဲနှုန်းကွာလို့ လက်မခံ တော့တာပါ" ဟု Park Royal Hotel ဧည့်ကြိုဌာနမှ ၀န်ထမ်းတဦးက ပြောသည်။
ရန်ကုန်ရှိ ကုန်သည်ကြီးများ ဟိုတယ်ကလည်း FEC နှင့် ဒေါ်လာဈေးနှုန်း ကွာဟမှုကြောင့် မကြာမီ ရက်ပိုင်းအတွင်း FEC လက်ခံမှု ရပ်ဆိုင်းသွားရန် ရှိသည်ဟု အဆိုပါ ဟိုတယ်မှ ဝန်ထမ်းတဦးက ဆိုသည်။
"FEC ကို အခန်းခ ရှင်းဖို့ ဒီနေ့လက်ခံပေမယ့်၊ မနက်ဖြန် လက်ခံမှာလား ဆိုတာတော့ မသိသေးပါဘူး။ လက်မခံဖို့ကတော့ များတယ်လို့ပဲ ပြောရမှာပါ" ဟု ၎င်းက ပြောသည်။
အမေရိကန်ဒေါ်လာနှင့် FEC သည် ယခင်က တန်ဖိုးအနည်းငယ်သာ ကွာဟ သော်လည်း ယခုဇွန်လတွင် ရုတ်တရက်
တန်ဖိုးကွာဟမှု ကြီးမားလာကြောင်း၊ အမေရိကန်ဒေါ်လာ သည်ပင်လျှင် ဈေးကွက်တွင် ၀ယ်သူနည်းပါး လွန်းသော အခြေအနေ ဖြစ်နေသောကြောင့် FEC ကို ၀ယ်သူထက် ရောင်းသူ အလွန် ပေါများပြီး တန်ဖိုး ဆက်တိုက် ကျဆင်းနေကြောင်း ဈေးကွက်မှ သိရသည်။
မေလ ၃ ရက်နေ့က အမေရိကန်တဒေါ်လာ ၈၃၇ ကျပ်ရှိချိန်တွင် FEC သည် တယူနစ်လျှင် ၈၃၄ ကျပ်ဈေး ရှိခဲ့ပြီး ဈေးနှုန်း ကွာဟမှု ကျဉ်းမြောင်းခဲ့သော်လည်း ဇွန်လ ၁၁ ရက်နေ့က အမေရိကန် တဒေါ်လာ ၇၆၀ ကျပ်ရှိချိန်တွင် FEC သည် တယူနစ် ၆၅၈ ကျပ်အထိ ဈေးထိုးကျခဲ့ပြီး ဒေါ်လာနှင့် FEC ကြား ဈေးနှုန်းကွာဟမှု ၁၀၀ ကျပ်ကျော်အထိ ဖြစ်ပေါ်ခဲ့သည်။
FEC ကို အများဆုံး ထုတ်ရောင်းနေကြသော သူများတွင် ဦးတေဇ ပိုင်ဆိုင်သည့် ထူး ကုမ္ပဏီကဲ့သို့သော စီးပွားရေး လုပ်ငန်းကြီးများ ပါဝင်သည်ဟု ရန်ကုန်စီးပွားရေး သမားများက ဆိုသည်။
"ထူးကုမ္ပဏီမှာ FEC ကို နိုင်ငံခြားငွေကြေးအဖြစ် လက်ခံ လုပ်ပေးနေရတာတွေ အများကြီးရှိတယ်။ ဥပမာ ဆိုရင် FEC
ဖုန်းကတ်တွေ၊ ငွေဖြည့်ကတ်တွေ ရောင်းတာမျိုးရှိတယ်၊ အဲပုဂံ လေကြောင်းလိုင်းမှာ FEC နဲ့ လက်မှတ်ဝယ်ဖို့ လက်ခံရတာမျိုး ရှိသလို တချို့ လုပ်ငန်းတွေမှာလည်း FEC ကို အမေရိကန်ဒေါ်လာနဲ့ တန်ဖိုးညီမျှတဲ့ငွေကြေး အဖြစ် လက်ခံရတာ မျိုးတွေရှိတယ်။ ထူးကုမ္ပဏီလိုမျိုး FEC ၀င်ငွေများတဲ့ တခြား ကုမ္ပဏီတွေကလည်း FEC ထုတ်ရောင်းကြတယ်" ဟု FEC နှင့်အမေရိကန်ဒေါ်လာ နှစ်မျိုးကိုသာ သီးသန့် အရောင်းအ၀ယ် လုပ်နေသူ တဦးက ရှင်းပြသည်။
FEC တန်ဖိုးကျခြင်းကြောင့် ကုလသမဂ္ဂအပါအ၀င် အပြည်ပြည်ဆိုင်ရာ အဖွဲ့အစည်းများ၏ စီမံကိန်းများ၊ FEC နှင့် လစာ ရရှိနေသော အပြည်ပြည်ဆိုင်ရာ အစိုးရမဟုတ်သည့် အဖွဲ့အစည်းများမှ ၀န်ထမ်းများ၊ နိုင်ငံခြား ကုမ္ပဏီ များတွင် လုပ်ကိုင်လျက် ရှိသော ၀န်ထမ်းများ အဆင်မပြေဖြစ်နေသည်ဟု သိရှိရသည်။
"NGO၊ INGO တွေက ဝန်ထမ်းတွေ၊ ဟိုတယ်တွေ၊ နိုင်ငံခြား ကုမ္ပဏီတွေမှာ လုပ်တဲ့ ဝန်ထမ်းတွေက FEC နဲ့ လစာရတာလေ။ ငွေလဲနှုန်း ကျလွန်းတော့ ၀င်ငွေက အတော်ကို လျော့ကုန်ကြတယ်။ အရင် ငွေလဲနှုန်းက FECတယူနစ်ကို ကျပ် ၁၀၀၀ လောက် ရှိတော့ တလကို FEC ၂၅၀ လောက် ရတဲ့သူက ကျပ် ၂ သိန်းခွဲလောက် ရတယ်။ အခုဆို ၁ သိန်း ၆ သောင်း လောက်ပဲ ရတော့တယ်။ သူတို့ ၀င်ငွေက ၃၀ ရာခိုင်နှုန်းကျော် ကျသွားတယ်" ဟု ရန်ကုန် Chatrium Hotel ဟိုတယ် ၀န်ထမ်းတဦးက ပြောသည်။
ပြည်တွင်း စီးပွားရေးပညာရှင်တဦးက ငွေလဲနှုန်း အလွန်ကျဆင်းမှုကြောင့် မြန်မာ့ပို့ကုန် စီးပွားရေးရပ်တန့် နေပြီဟု ဆိုသည်။
"အစိုးရက ဘာလုပ်ရမှန်း မသိတာလား၊ ကျပ်ငွေတန်ဖိုး တက်တယ်ဆိုပြီး ထိုင်ကြည့်နေတာလား မဝေခွဲတတ်ဘူး။ ဒီငွေ တန်ဖိုးတက်တာက နိုင်ငံကို ဆင်းရဲမှုတွေ ဖြစ်စေမယ်။ သွင်းကုန်တွေချည်းပဲ သွင်းကုန်တဲ့ စီးပွားရေးကို ဦးတည်နေတယ်။ ဒါကို အမြန် ထိန်းဖို့လိုနေပြီ။ ဒါကိုမထိန်းရင် အားလုံးထိခိုက်နေပြီ" ဟု အဆိုပါပညာရှင်က ပြောသည်။
ယခင် စစ်အစိုးရလက်ထက် ၁၉၉၃ ခုနှစ်တွင် မြန်မာနိုင်ငံတော်ဗဟုိုဘဏ်က FEC များကို အမေရိကန်ဒေါ်လာ အစားထိုး နိုင်ငံခြားငွေအဖြစ် ထုတ်ဝေသုံးစွဲခဲ့သည်။
 
 
မြန်မာနိုင်ငံသွားတဲ့ မြောက်ကိုရီးယားသင်္ဘော အမေရိကန် ရေတပ်က တားဆီး
2011-06-13
ဒုံးကျည်လက်နက်တွေ သယ်ဆောင်လာတယ်လို့ သံသယ ဖြစ်စရာရှိတဲ့ မြန်မာနိုင်ငံကို သွားမယ့် မြောက်ကိုးရီးယား သင်္ဘော တစ်စီးကို အမေရိကန် ရေတပ်က တားဆီး နိုင်ခဲ့တယ်လို့ အမေရိကန် အဆင့်မြင့် ထိပ်တန်း အရာရှိတဦးက ဒီကနေ့ပြောကြားလိုက်ပါတယ်/
 
မေလ (၂၆) ရက်နေ့က တရုတ်နိုင်ငံ ရှန့်ဟိုင်းမြို့ဘက် တောင်တရုတ် ပင်လယ်ပြင်မှာ အမေရိကန် ရေတပ်က ဌာနေ နိုင်ငံကို ပြန်ခုတ်မောင်းဖို့ ဖိအားပေးခဲ့ ပြီးတဲ့နောက် မြောက်ကိုးရီးယား နိုင်ငံကို ပြန်လှည့် ခုတ်မောင်းသွားတယ် လို့ လက်နက် ထိမ်းချုပ်ရေးနဲ့ ဖျက်အားပြင်း လက်နက်ဆိုင်ရာ အကြံပေးပုဂ္ဂိုလ် Gary Samore က ဆိုပါတယ်။ သူရဲ့ တောင်ကိုးရီးယား နိုင်ငံ ခရီးစဉ် အတွင်း Yonhap သတင်းဌာနနဲ့မေးမြန်းခန်းမှာ ထုတ်ဖေါ်ပြောလိုက်တာပါ။ ဒီသတင်းကြောင့် မြောက်ကိုးရီးယား နိုင်ငံဟာ မြန်မာကို လက်နက်တွေ ရောင်းချနေတယ် ဆိုတာ ပိုပြီး ခိုင်လုံသွားတယ်လို့ စစ်လက်နက် ဆိုင်ရာ တောင်ကိုးရီးယား ပညာရှင်အဖွဲ့က ပြောဆိုလိုက်တဲ့ အကြောင်း ဒေသထုတ် သတင်း မီဒီယာတွေမှာ ရေးသား ဖေါ်ပြထားတာကို ဖတ်ရတဲ့ တောင်ကိုးရီးယား အခြေစိုက် အမျိူးသား ဒီမိုကရေစီအဖွဲ့ချုပ် (လွတ်မြောက်နယ်မြေ)ရဲ့ နိုင်ငံခြားရေးရာ တာဝန်ခံ ကိုကျော်စွာလင်းက ပြောပါတယ်။ "သူတို့ ပြောထားတာက မြောက်ကိုရီးယားက missile ရယ်၊ နျူကလီးယာ လက်နက်ရယ်၊ လက်နက် ပစ္စည်းတွေရယ် အဲဒါတွေကို မြန်မာပြည်ကို တင်ပို့နေတယ်ဆိုတာကို တိတိကျကျ ယုံကြည်ထားတယ် ပေါ့လေ။ ၂၀၀၉ တုံးက တခေါက်ရှိတယ်။ အခု တခေါက်။ ဒီနှစ်ခေါက်စလုံးက တူတူဘဲ။ ဒါကို ကြည့်ခြင်းအားဖြင့် မြောက်ကိုရီးယားနဲ့ မြန်မာ လက်နက်ကိစ္စနဲ့ ပတ်သက်ပြီးတော့ သူတို့ လုံးဝ ဆက်စပ်မှုရှိတယ်ဆိုပြီးတော့ အပြည်ပြည်ဆိုင်ရာကို သက်သေ ပြနိုင်တဲ့ အထောက်အထားတခု ဖြစ်ပါတယ် ဆိုပြီးတော့ သူတို့က ပြောထားတယ်။" ပြီးခဲ့တဲ့ လကုန်ပိုင်းက M/V Light အမည်ရှိတဲ့ မြောက်ကိုးရီးယား ကုန်တင် သင်္ဘောမှာ ဒုံးကျည် လက်နက် အသေးစားတွေနဲ့ဆက်စပ်နေတဲ့ စစ်ဘက် ဆိုင်ရာ ပစ္စည်းတွေ တင်ဆောင်လာပြီး မြန်မာနိုင်ငံဘက်ကို ဦးတည် ခုတ်မောင်းနေတယ်လို့ အမေရိကန် ရေတပ်က ယူဆခဲ့ပါတယ်။ ဒီသင်္ဘောနဲ့ပတ်သက်လို့ မြောက်ကိုးရီးယားကိုလည်း တိုက်ရိုက် ဆက်သွယ် မေးမြန်းခဲ့သလို မြန်မာ အပါအ၀င် အရှေ့တောင် အာရှနိုင်ငံတွေ ကိုလည်း သင်္ဘော ဆိုက်ကပ်လာတာနဲ့ ချက်ခြင်း စုံစမ်း စစ်ဆေးဖို့ အမေရိကန်ဘက်က ကြိုတင် အကြောင်းကြားခဲ့တယ်လို့ Mr. Samore က ပြောပါတယ်။ ကုလသမဂ္ဂ လုံခြုံရေး ကောင်စီရဲ့ ဆုံးဖြတ်ချက် ၁၈၇၄ နဲ့ အညီ အမေရိကန် ရေတပ်ကနေ ဒီသင်္ဘောကို တရုတ်နိုင်ငံ ရှန့်ဟိုင်းမြို့ဘက် တောင်တရုတ် ပင်လယ်ပြင်မှာ တက်ရောက် စစ်ဆေးခွင့်ပြုဖို့ တောင်းဆိုခဲ့ပေမဲ့ မြောက်ကိုရီးယား သင်္ဘောက ငြင်းဆိုခဲ့ပြီး နောက်ပိုင်းမှာ မြောက်ကိုရီးယားနိုင်ငံဘက်ကို လှည့်ပြန်သွားတာ ဖြစ်ပါတယ်။
 
အိုင်အယ်လ်အို ညီလာခံသို့  ဒေါ်အောင်ဆန်းစုကြည် ဗီဒီယို မိန့်ခွန်းပေးပို့
2011-06-13
မြန်မာနိုင်ငံသားတွေဟာ တရားမျှတမှုနဲ့  ဖွံ့ ဖြိုးတိုးတက်မှုကို လိုလား တောင့်တ နေကြကြောင်း၊ ကမ္ဘာ့ အသိုင်း အ၀ိုင်း အနေနဲ့ မြန်မာနိုင်ငံ အရေးကို လစ်လျူမရှုထားဘဲ အောင်မြင်တဲ့ နိုင်ငံ တနိုင်ငံ ဖြစ်လာအောင် ကူညီသင့်ကြောင်း မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ပြောကြားလိုက်ပါတယ်။
ကုလသမဂ္ဂ အပြည်ပြည်ဆိုင်ရာ အလုပ်သမား အဖွဲ့ချုပ် (ILO) မှ လက်ထောက် အထွေထွေ အတွင်းရေးမှူးချုပ် ဂေးရိုက်ဒါ ရဲ့ ၄ ရက်ကြာ မြန်မာနိုင်ငံ ခရီးစဉ်အတွင်း ၂၀၁၁ ခုနှစ် ဖေဖော်ဝါရီလ ၂၅ ရက်နေ့က ဒေါ်အောင်ဆန်းစုကြည်၏ နေအိမ်ကို လာရောက်တွေ့ဆုံခဲ့သည်။
ဆွစ်ဇာလန် နိုင်ငံ ဂျီနီဗါမြို့ မှာ ကျင်းပ ပြုလုပ်နေတဲ့ ကုလသမဂ္ဂ အပြည်ပြည် ဆိုင်ရာ အလုပ်သမား အဖွဲ့ ချုပ် (ILO) ညီလာခံကို ဒီကနေ့ ပေးပို့ တဲ့ ဗီဒီယို သ၀ဏ်လွှာမှာ ဒေါ်အောင်ဆန်းစုကြည်က အခုလို ပြောသွားတာပါ။ မြန်မာနိုင်ငံဟာ တချိန်က အောင်မြင် ကြီးပွားမယ့် လမ်းကြောင်းပေါ်မှာ ရှိနေခဲ့ပြီး၊ အခု အချိန်မှာ ဒေသတွင်း နိုင်ငံအားလုံး နီးပါးရဲ့ နောက်ပါးမှာ ရောက်နေတယ်လို့ လည်း ဒေါ်အောင်ဆန်းစုကြည်ကပြော။
 
ရန်ကုန်တိုင်းမှာ လေဆင်နှာမောင်း တိုက်၍ ဈေးနှင့် နေအိမ်များ ပြိုကျ ပျက်စီး
2011-06-13
ရန်ကုန်တိုင်း သာကေတ မြို့နယ်မှာ ပြီးခဲ့တဲ့ သောကြာနေ့ ညနေ ရ နာရီလောက်က လေဆင် နှာမောင်း တိုက်ခတ်ခဲ့တဲ့ အတွက် ရန်ပြေ ၃ ရပ်ကွက် အခွန်လွတ်ဈေး တခုလုံး ပြိုကျသွားပြီး နေအိမ် တဒါဇင်လောက် ပျက်စီးသွားတယ်လို့ သိရပါတယ်။
လေဆင် နှာမောင်းတွေဟာ ခါတိုင်း လယ်ကွင်းပြင်တွေမှာ တိုက်ခတ်တာ များပြီး သာကေတ ရပ်ကွက်တွေထဲ အခုလို ၀င်မွှေ့တာမျိုး မကြုံဖူးဘူးလို့ ပြောကြပါတယ်။ ပုစွန်တောင် ချောင်းနားမှာ လေပြင်း စတင် တိုက်ပြီး ရပ်ကွက် သုံးခုကို ခုန်ကျော် တိုက်သွားတာလို့ ဒေသခံ တယောက်က ပြောပြပါတယ်။ "သာကေတ ပုစွန်တောင်ချောင်း ပေါ့။ အဲဒီချောင်းဘေးကနေ ဒေါပုံဖက်ကို တိုက်လာပြီးမှ ၃-၄ ရပ်ကွက်ကို ခုံကျော်ပြီးမှ ၃ ရပ်ကွက်ကနေ ဟိုဖက် ၆ ရပ်ကွက်ကို သွားကျတယ်။ အော်သံကြီး ၀ုန်းဆိုကြားပြီးမှ၊ လူတွေက ဘာမှကို မသိလိုက်ကြဘူး။ အိမ်တွေ ဘာတွေ ရွဲ့စောင်းပြီးမှ သွပ်ပြားတွေ ဘာတွေ ပါသွားတာပေါ့နော်။ သာကေတ ရန်ပြေ ၃ ရပ်ကွက် အခွန်လွတ်ဈေး တခုလုံး ပြိုသွားတာပေါ့နော်။ ဒေါပုံဖက်မှာတော့ ကမ်းနားဘက်က အိမ်တွေ လေးငါးဆယ်လုံးလောက် ပြိုသွားတယ်။ ၆ ရပ်ကွက်မှာ လမ်း နှစ်လမ်းလောက် ထပ်တိုက်သွားတာ။ အိမ်တချို့ ပြိုပြီး တိုက်နံရံတွေ ဘာတွေ ပွင့်သွားတာပေါ့။ " သေဆုံးသူ ရှိတယ်လို့ မကြားရပေမယ့် ထိခိုက် ဒဏ်ရာရသူတွေ ရှိတယ်လို့သိရပါတယ်။ ပြိုသွားတဲ့ အခွန်လွတ်ဈေးက အခိုင်အခန့် ဆောက်ထားတာ မဟုတ်ဘဲ ဓနိတိုင်တွေနဲ့ ဆောက်ထားတာ ဖြစ်ပြီး၊ ကမ်းနားဘက်က အိမ်တွေကလည်း သစ်သားတိုင်ထူ၊ ဓနိမိုးထားတဲ့ အိမ်တွေများတယ်လို့ ပြောပါတယ်။ ၁၀ မိနစ်လောက် တိုက်ခတ်ပြီး အရှိန်ပျော့သွားတယ်လို့ ဆိုပါတယ်။ ရပ်ကွက်ထဲက အိမ်တွေကတော့ သွပ်မိုးတွေ ပွင့်သွားပြီး တချို့အိမ်တွေ ယိုင်စောင်းသွားတဲ့ အပြင် ခြံစည်းရိုး တချို့လည်း လေဆင် နှာမောင်းနဲ့ လွင့်ပါသွားတယ်လို့ ပြောပါတယ်။ လေဆင် နှာမောင်း တိုက်သွားပြီးတဲ့နောက် ရပ်ကွက် တာဝန်ရှိသူတွေက အပျက်အစီးတွေကို လာကြည့်တာက လွဲလို့ တခြား အကူအညီ ပေးတာ မတွေ့ရသေးဘူးလို့လည်း ပြောပါတယ်။
 
ထိုင်းစက်ရုံက ကယ်တင်ခဲ့တဲ့ အလုပ်သမား ၃၀ ကျော် မြန်မာဖက် ပြန်ပို့
2011-06-13
ထိုင်းနိုင်ငံ ဘန်ကောက်မြို့ မှာ နေ့ရောညပါ ပိတ်လှောင် အလုပ်ခိုင်းစေ ခံရပြီး ထိုင်းရဲတွေရဲ့ ကယ်တင်မှုကြောင့် လွတ်မြောက်ခဲ့တဲ့ မြန်မာ အလုပ်သမား ၃၂ ဦးကို ထိုင်း အာဏာပိုင်တွေက စနေနေ့ က မြန်မာနိုင်ငံကို ပြန်ပို့လိုက်တယ်။
စာရွက်စာတမ်း မပြည့်စုံဘဲ နိုင်ငံဖြတ်ကျော် ၀င်ရောက်မှုနဲ့ ချုပ်ရက် အပါအ၀င် စုစုပေါင်း ၅၂ ရက် အကျဉ်းကျ ခံခဲ့ရပြီးနောက် သူတို့ကို အချုပ်ကားတွေနဲ့ မြန်မာနိုင်ငံ မြ၀တီမြို့ ကို ပြန်ပို့လိုက်တာ ဖြစ်တယ်လို့ ထိန်းသ်ိမ်းခံခဲ့ရသူ တစ်ဦးက RFA ကို ပြောပါတယ်။ "တောမောရုံးက ကားကြီးနဲ့ လူ ၄ ရာလောက်ရှိတယ်။ မဲဆောက် တောမောရုံးကနေ မြန်မာပြည်ကို အချုပ်ကားနဲ့ ပြန်ပို့တယ်။ ဒီဘက်နဲ့ ညှိထားလားမသိဘူး။ ကျမတို့ဆီက ပိုက်ဆံလည်း မတောင်ဘူုး ပလိပ်တွေက။ လူတွေကို ၀ယ်လိုက်တဲ့ သဘောပေါ့။ ဒီဘက်က လူတွေက ကျမတို့ကို ၂၅၀၀ နဲ့ ပြန်ရွေးခိုင်းတယ်။ ပေါက်ဈေးက ၂၅၀၀ တဲ့။ လျှော့ဈေးနဲ့ ၂၂၀၀ တောင်းတယ်။ ဒီဖက်က လူစုတဲ့ လူတွေပေါ့။" ဘန်ကောက် မြို့လယ်က အိမ်တွင်း အထည်ချုပ် စက်ရုံ ၃ ရုံမှာ တံခါးပိတ်ပြီး နေ့ ရောညပါ အလုပ်ခိုင်းခံနေရတဲ့ မြန်မာ အလုပ်သမား ၃၉ ယောက်ကို ထိုင်း လူကုန်ကူးမှု တိုက်ဖျက်ရေး အထူး တပ်ဖွဲ့ ဝင်တွေက ဧပြီလ ၁၉ ရက်နေ့ က စက်ရုံတွင်း ၀င်ရောက်ပြီး ကယ်တင်ခဲ့တာ ဖြစ်ပါတယ်။ ရဲစခန်းက သူတို့ တွေကို စစ်ဆေး မေးမြန်းပြီး အမျိုးသမီး ၂၅ ဦးနဲ့ အမျိုးသား ၈ ဦးကို စာရွက်စာတမ်း မပြည့်စုံဘဲ နိုင်ငံ ဖြတ်ကျော် ၀င်ရောက်မှုနဲ့ ထောင်ဒဏ် ၄၅ ရက် ချမှတ်ခဲ့တာ ဖြစ်ပါတယ်။ အဲဒီ အထည်ချုပ်စက်ရုံ ၃ ရုံမှာ အလုပ်လုပ်တဲ့ မြန်မာ အလုပ်သမားတွေကို လုပ်ငန်းရှင်က လူကယ်ရီ ကနေ တဆင့် ဘတ်ငွေ ၁ သောင်း ၂ ထောင်ကနေ ၁ သောင်း ၄ ထောင် အထိ အကုန်အကျခံ ခေါ်ယူခဲ့တယ်လို့  သိရပါတယ်။ လုပ်ငန်းရှင်က စရိတ် ငွေကြေတဲ့ အထိ အလုပ်ကို မနားတမ်း ခိုင်းစေခဲ့ပြီး လုပ်အားခလည်း အဆမတန် နည်းပါးကြောင်းနဲ့  ငွေကြေပြီးနောက် ဘယ်မှ ထွက်မသွားနိုင်အောင် စက်ရုံတွင်း ပိတ်လှောင် ခိုင်းစေခဲ့ကြောင်း၊ လုပ်ခငွေကို ကိုင်ဆောင်ခွင့် မရရှိခဲ့ကြကြောင်း အလုပ်သမား တချို့ က ထိုင်းရဲတွေဆီမှာ စစ်ဆေးခံခဲ့ပါတယ်။
 
နိုင်ငံရေးအကျဉ်းသား လွတ်မြောက်ရေး ဆုတောင်းပွဲ ပြုလုပ်မည်
ဧရာဝတီ Monday, 13 June 2011 19:14
နိုင်ငံရေး အကျဉ်းသားများ လွတ်မြောက်ရေးနှင့် နိုင်ငံရေးအကျဉ်းသားများ လွတ်မြောက်မှု ၁ လ ပြည့် အထိမ်းအမှတ် ဆုတောင်းပွဲကို ဇွန်လ ၁၆ ရက်၌ ရန်ကုန်မြို့သင်္ဃန်းကျွန်း မြို့နယ်တွင် ကျင်းပမည်ဖြစ်ကြောင်း သိရသည်။ ယင်း ဆုတောင်းပွဲကို အကျဉ်းသား မိသားစုဝင်များ က ပြုလုပ်မည်ဖြစ်သည်ဟု NLDလူမူ အထောက်အကူပြု အဖွဲ့ က ပြောသည်။
 
မန္တလေးမီး အိမ် ၆ လုံး လောင်ကျွမ်း
ဧရာဝတီ Monday, 13 June 2011 15:53
မန္တလေးမြို့ မဟာအောင်မြေမြို့နယ် သီတာအေးရပ်ကွက်တွင် ယနေ့မွန်းလွဲပိုင်းက မီးလောင်ကျွမ်းမှု ဖြစ်ပွားရာ အိမ်ခြေ ၆ လုံး မီးထဲပါသွားသည်ဟု မန္တလေးမြို့ခံတဦးက ပြောသည်။ နေ့လည် ၁၂ နာရီခန့်က ထမင်းဟင်း ချက်ပြုတ်ရာမှ စတင်လောင်ကျွမ်းခြင်း ဖြစ်ပြီး ၁၂ နာရီ ခွဲခန့်တွင် မီးငြိမ်းသွားကြောင်း သိရသည်။
 
အရှေ့အာရှဆိုင်ရာ ကမ္ဘာ့စီးပွားရေး နှီးနှောဖလှယ်ပွဲ စတင်
By မမိုးဖြူ
 
 

အရှေ့အာရှဆိုင်ရာ ကမ္ဘာ့စီးပွားရေး နှီးနှောဖလှယ်ပွဲ တက်ရောက်နေသည့် အင်ဒိုနီးရှား သမ္မတ ဆူဆီလို ဘမ်ဘန်း ယူဒိုယိုနို(၀ဲ) နှင့် စင်ကာပူ ၀န်ကြီးချုပ် လီရှန်လွန်း။ ဇွန် ၁၂၊ ၂၀၁၁။
အရင်းအမြစ်တွေ အမြောက်အမြား ရှိနေတဲ့ အာရှနိုင်ငံတွေ အနေနဲ့ နိုင်ငံရေး၊ စီးပွားရေး မတည်ငြိမ်မှုတွေကို ခံနိုင်ရည် ရှိဖို့အတွက် အားလုံးတူညီတဲ့ သဘောထားရှိဖို့ လိုအပ်တယ်လို့ အင်ဒိုနီးရှား သမ္မတ ဆူဆီလို ဘမ်ဘန်း ယူဒိုယိုနို (Susilo Bambang Yudhoyono) က ပြောကြားလိုက်ပါတယ်။ အရှေ့အာရှဆိုင်ရာ ကမ္ဘာ့စီးပွားရေး နှီးနှောဖလှယ်ပွဲကို အင်ဒိုနီးရှားနိုင်ငံ ဂျကာတာမြို့တော်မှာ တနင်္ဂနွေနေ့က စတင်စဉ်မှာ သမ္မတ ယူဒိုယိုနိုက အခုလို ပြောကြားသွားတာ ဖြစ်ပါတယ်။ စင်ကာပူ ဝန်ကြီးချုပ် လီရှန်လွန်း (Lee Hsien Loong) ကလည်း အာဆီယံနိုင်ငံတွေ အတွက် စီးပွားရေးအရ အရေးပါတဲ့ အမေရိကန်နဲ့ တရုတ်နိုင်ငံတို့နဲ့ ပိုမိုပူးပေါင်း ဆောင်ရွက်မှုတွေ လုပ်သွားချင်တယ်လို့ ပြောကြားခဲ့တဲ့ ကမ္ဘာ့စီးပွားရေး နှီးနှောဖလှယ်ပွဲ အကြောင်းကို မမိုးဖြူက တင်ပြပေးထားပါတယ်။
အရှေ့အာရှဆိုင်ရာ ကမ္ဘာ့စီးပွားရေးအဖွဲ့ရဲ့ အကြိမ် ၂၀ မြောက် နှီးနှောဖလှယ်ပွဲ World Economic Forum ကို အင်ဒိုနီးရှားနိုင်ငံ ဂျကာတာ (Jakarta) မှာ ဇွန်လ ၁၂ ရက်နေ့က ဖွင့်လှစ်လိုက်ပါတယ်။ ဒီနှစ်ပတ်လည် အစည်းအဝေးကို နိုင်ငံပေါင်း ၄၀ က ပညာရေးအဖွဲ့တွေ၊ လူထုအခြေပြု လူ့အဖွဲ့အစည်းတွေ၊ စီးပွားရေး လုပ်ငန်းရှင်တွေ၊ သတင်းမီဒီယာသမားတွေနဲ့ အစိုးရခေါင်းဆောင်တွေ အပါအ၀င် စုစုပေါင်း ၆၀၀ လောက် တက်ရောက်ခဲ့ကြပါတယ်။
မကြာသေးခင်က ဂျပန်၊ အရှေ့အလယ်ပိုင်း ဒေသနဲ့ မြောက်အာဖရိက နိုင်ငံတွေမှာ ဖြစ်ခဲ့တဲ့ အဖြစ်အပျက်တွေက အာရှရဲ့ တိုးတက်ဖွံ့ဖြိုးမှုကို ဘယ်လို အကျိုးသက်ရောက်မှုတွေ ရှိလာနိုင်လဲ ဆိုတာနဲ့ အဲဒီထဲ အဓိကကျတဲ့ ပြောင်းလဲမှုတွေက အာရှရဲ့ အရေးပါတဲ့ သဘာဝ ပတ်ဝန်းကျင်၊ နိုင်ငံရေး၊ စီးပွားရေးနဲ့ လူမှုရေး ကိစ္စတွေကို ဘယ်လို ပုံဖော်လာနိုင်သလဲဆိုတဲ့ အချက်တွေကို ၂ ရက်ကြာ ကျင်းပတဲ့ ဒီဆွေးနွေးပွဲမှာ စဉ်းစား အဖြေရှာကြမှာ ဖြစ်ပါတယ်။
နိုင်ငံရေး၊ မဟာဗျူဟာရေးဆိုင်ရာနဲ့ စီးပွားရေး အခက်အခဲတွေကို ကြံ့ကြံ့ခံ ရင်ဆိုင်ဖြေရှင်းနိုင်ဖို့ အာရှနိုင်ငံတွေကြား နားလည် သဘောတူညီမှုတွေ တည်ဆောက်ဖို့ လိုမယ်လို့ ဆွေးနွေးပွဲ အဖွင့်မိန့်ခွန်းမှာ အင်ဒိုနီးရှား သမ္မတ ဆူဆီလို ဘမ်ဘန်း ယူဒိုယိုနိုက အခုလို ပြောဆိုပါတယ်။
"နိုင်ငံတကာရဲ့ အခြေအနေနဲ့ လုပ်နည်းကိုင်နည်းတွေကို ပုံဖော် ပြောင်းလဲဖို့ လိုအပ်တဲ့ သယံဇာတ၊ လူသားစွမ်းရည်၊ အခွင့်အလမ်းနဲ့ ကိုယ့်ကိုယ်ကို ယုံကြည်မှုတွေ အာရှဒေသရဲ့ တိုင်းပြည်တွေမှာ အပြည့်အ၀ ရှိနေပါတယ်။ ကျနော်တို့ နေထိုင်တဲ့ ကမ္ဘာမှာ စိတ်ကူးစိတ်သန်းနဲ့ အကြံဉာဏ်ကောင်းတွေ မရှိတာ မဟုတ်ပါဘူး။ အမှန်က အကြံဉာဏ်ကောင်းတွေက အများကြီးတောင် ရှိနေတာပါ။ ဒါပေမဲ့ ကျနော်တို့မှာ မရှိတာက အဲဒီ အကြံဉာဏ်ကောင်းတွေကို တညီတညွတ်တည်း သဘောတူညီမှုရအောင် ညှိနှိုင်းနှိုင်ဖို့ပါ။"
အာရှဒေသအနေနဲ့ အစားအစာ၊ ရေနဲ့ စွမ်းအင် မလုံလောက်မှုကနေ တနေ့တခြား ကြီးမားလာမယ့် ဖိအားပေးမှုတွေကို ဖြေရှင်းနိုင်ဖို့ ပြင်ဆင်ထားရပါလိမ့်မယ်။ ကမ္ဘာပေါ်မှာ နေထိုင်တဲ့ လူသန်းပေါင်း ၇,၀၀၀ ထဲက ၆၀% က အာရှဒေသမှာ နေထိုင်နေကြတာပါ။ အရင် ရာစုနှစ်တွေတုန်းက ခေါင်းပုံဖြတ်တာတွေ၊ နယ်မြေလုတာတွေ၊ စစ်ပွဲတွေနဲ့ ဒုက္ခမျိုးစုံကို ဖြစ်စေခဲ့တဲ့ သယံဇာတနဲ့ လူ့စွမ်းရည် ရှားပါးတဲ့ ပြဿနာမျိုး ထပ်မဖြစ်ရအောင်၊ ဒေသထဲ စီးပွားရေး တိုးတက်လာတာနဲ့အမျှ အာရှက ကမ္ဘာကြီးရဲ့ လိုအပ်တဲ့ သယံဇာတနဲ့ လူ့စွမ်းရည်တွေကိုကူညီ ဖြည့်ဆည်းပေးနိုင်ပါလိမ့်မယ်။ ကျနော်တို့ခေတ်မှာ ဒီ လိုအပ်ချက်တွေကြောင့် စစ်မက်ပြဿနာတွေ ဖြစ်ဖို့ မလိုတော့ပါဘူးလို့ အင်ဒိုနီးရှား သမ္မတ ယူဒိုယိုနိုက တဆက်တည်း ပြောဆိုပါတယ်။
အာရှဒေသအတွက် စိန်ခေါ်မှုနဲ့ အခွင့်အလမ်းတွေကိုတော့ ဒီ World Economic Forum တည်ထောင်သူ တဦးလည်းဖြစ်၊ ဆွေးနွေးပွဲ သဘာပတိလည်းဖြစ်တဲ့ ကလော့စ် ရွှပ်ဘ် (Klaus Schwab) က ဖွင့်ပွဲအကြို အခမ်းအနားမှာ ဆွေးနွေးခဲ့ပါတယ်။ ဖွင့်ပွဲအခမ်းအနားကို တက်ရောက်လာကြတဲ့ အင်ဒိုနီးရှား သမ္မတ ဆူဆီလို ဘမ်ဘန်း ယူဒိုယိုနိုနဲ့ စင်ကာပူ ၀န်ကြီးချုပ် လီရှန်လွန်းတို့ကလည်း အမေရိကန် ပြည်ထောင်စုနဲ့ တရုတ်နိုင်ငံတွေနဲ့ ပူးပေါင်းဆောင်ရွက်ဖို့ သူတို့ ၂ နိုင်ငံစလုံးက တခါးဖွင့်ထားပါတယ်လို့ ပြောဆိုကြပါတယ်။ အဲဒီ မိတ်ဆွေနိုင်ငံ ၂ နိုင်ငံနဲ့ အာရှဒေသ ဆက်ဆံရေးနဲ့ ပတ်သက်ပြီး စင်ကာပူ ၀န်ကြီးချုပ် လီရှန်လွန်းကလည်း အခုလို မှတ်ချက်ချပါတယ်။
"အမေရိကန် ပြည်ထောင်စုရော တရုတ်နိုင်ငံပါ အာရှဒေသအတွက် အရေးပါတဲ့ မိတ်ဆွေနိုင်ငံတွေ ဖြစ်ကြပါတယ်။ အမေရိကန်နဲ့က ဒုတိယကမ္ဘာစစ် ပြီးကတည်းက ဆက်သွယ်ခဲ့ပြီး တရုတ်နိုင်ငံနဲ့လည်း ပြီးခဲ့တဲ့ ဆယ်စုနှစ်တွေထဲမှာ ပိုပြီးတော့ တိုးတက်ခိုင်မာတဲ့ ဆက်ဆံရေးတွေ ရှိလာပြီး ဒီ မိတ်ဘက် ၂ နိုင်ငံနဲ့ ပူးပေါင်းဆောင်ရွက်ရမယ့် အလုပ်တွေ အများကြီး ရှိနေပါတယ်။"
အရှေ့တောင်အာရှ နိုင်ငံများအဖွဲ့ (ASEAN) အဖွဲ့ဝင် ၁၀ နိုင်ငံထဲက တော်တော်များများကလည်း အမေရိကန်၊ တရုတ်နိုင်ငံတွေနဲ့ ဆက်ဆံရေး ပိုပြီး ခိုင်မာကောင်းမွန်အောင် လုပ်ဆောင်နေကြပါတယ်။ အာရှနိုင်ငံ တော်တော်များများအဖို့ တနေ့တခြား ကြီးထွားလာတဲ့ မဟာအင်အားကြီး နိုင်ငံကို သတိနဲ့ ဆက်ဆံနေရင်း အမေရိကန်နဲ့ တရုတ်နိုင်ငံကြား လိုသလို ညှိနှိုင်းပြီး ကောင်းမွန်တဲ့ ဆက်ဆံရေး တည်ဆောက်ရတာ အတော့်ကို နူးညံ့သိမ်မွေ့တဲ့ ပဟေဠိတခုကို အဖြေရှာရတာနဲ့ တူတယ်လို့ ဆိုပါတယ်။
World Economic Forum ကို တက်ရောက်ကြသူတွေထဲမှာ ဗီယက်နမ် ၀န်ကြီးချုပ် ငုယန် တန် ဒန်း (Nguyen Tan Dung)၊ မွန်ဂိုလီးယား ၀န်ကြီးချုပ် ဆက်ခ်ဘာတာ ဘတ်ဘိုးလ်ဒ် (Sukhbaatar Batbold) နဲ့ ထိုင်းဝန်ကြီးချုပ် အဘီဆစ် ၀ိတ်ချာချီဝ (Abhisit Vejjajiva) တို့လည်း ပါဝင်ပါတယ်။
နိုင်ငံရေး၊ လူမှုရေး၊ စီးပွားရေး၊ ဘဏ္ဍာရေး၊ ကုန်သွယ်ရေး၊ စွမ်းအင်၊ သစ်တောနဲ့ သဘာဝ ပတ်ဝန်းကျင် ထိန်းသိမ်းရေး၊ လုံခြုံရေး စတာတွေ ပါဝင်တဲ့ မတူညီတဲ့ ပြဿနာ ခေါင်းစဉ် ၂၅ မျိုးလောက်ကို ဒီဆွေးနွေးပွဲမှာ ဆွေးနွေးကြမှာ ဖြစ်ပါတယ်။ အင်ဒိုနီးရှား သမ္မတ ယူဒိုယိုနိုက စင်ကာပူ ၀န်ကြီးချုပ် လီရှန်လွန်းနဲ့ မွန်ဂိုလီးယား ၀န်ကြီးချုပ် ဆက်ခ်ဘာတာ ဘတ်ဘိုးလ်ဒ်တို့ကို သီးခြား ဆွေးနွေးပွဲတွေမှာ တွေ့ဆုံဆွေးနွေးဖို့ ရှိတယ်လို့လည်း သိရပါတယ်။

View Post on Facebook · Edit email settings · Reply to this email to add a comment.

No comments:

Post a Comment