Thursday, 30 June 2011

[Information & Technology Network] New doc: “Introduction to Electronics Engineering”

created the doc: "
Myo Min Paing created the doc: ""Introduction to Electronics Engineering""

                                       "Introduction to Electronics Engineering"

                                                                      နှင့် 

                                      (ကျွန်တော်၏ အတွေ့အကြုံတချို့)

 

                အီလက်ထရွန်းနစ် ၀ါသနာရှင်တစ်ယောက် ဖြစ်လိုတဲ့ ညီ၊ ညီမလေးတွေအတွက် ကျွန်တော့်ရဲ့ အမြင်၊ အတွေ့အကြုံတချို့နဲ့ လမ်းညွှန်လေးပါ။ ကျွန်တော်ဖြတ်သန်းခဲ့တဲ့ အီလက်ထရွန်းနစ်နဲ့ ပတ်သက်တဲ့မှတ်စုတချို့လို့လဲ ဆိုနိုင်ပါတယ်။ လိုအပ်တာတွေကို ပညာရှင်တွေက ဖြည့်စွက်ပေးဖို့ ဖိတ်ခေါ်ပါတယ်။

 

            အီလက်ထရွန်းနစ် ဆိုတာဘာလဲလို့ အဓိပ္ပါယ်ဖွင့်ဆိုချက်ကို အရင်ရှင်းရမယ်နဲ့တူတယ်ဗျ။ တစ်ချို့ကတော့ အီလက်ထရွန်းနစ်ဆိုတာ လျှပ်စစ်ကိုလေ့လာတဲ့ ဘာသာရပ်လို့ ပြောကြတယ်ဗျ။ ကိုယ်နဲ့သိတဲ့ အီလက်ထရွန်းနစ် သမားတစ်ယောက်ယောက်ကို မေးကြည့်ပါ။ အဲလိုဖြေခဲ့ရင်တော့ သူဟာ အီလက်ထရွန်းနစ် ဘာသာရပ်ရဲ့ အရင်းခံကို သဘောမပေါက်ဘဲ အီလက်ထရွန်းနစ်ရဲ့ ကိုင်းခွဲဘာသာရပ်တစ်ခုခုကိုသာ လေ့လာထားခြင်းဖြစ်တယ်ဆိုတာ သေချာပါတယ်။ အီလက်ထရွန်းနစ်ဘာသာရပ်ဟာ ကိုင်းခွဲတွေအများကြီး ရှိပါတယ်။ ကိုယ့်ဘက်ကိုယ်ယက်တယ်လို့တော့ မထင်ပါနဲ့ဗျာ။ အီလက်ထရွန်းနစ်ဆိုတာ ရူပဗေဒကနေမွေးဖွားပေးလိုက်တဲ့ ပင်မကိုင်းခွဲကြီးတစ်ခုဖြစ်ပါတယ်။ အဲဒီပင်မကိုင်းခွဲကြီးကနေ ယနေ့ဆိုရင် အခက်အလက်ပေါင်းများစွာနဲ့ ဝေဆာနေပြီဖြစ်ပါတယ်။ အဲဒီအခက်အလက်တွေကို အနဲငယ် မိတ်ဆက်ပေးပါရစေ။ အဲဒါတွေကတော့

 

-       Electronic communication

-       Electrical Power

-       Telecommunication

-       Signal Processing

-       Radio Engineering

-       Computer Engineering

-       Instrumental Engineering

-       …..                             စသဖြင့် များစွာခွဲထွက်သွားတာကို တွေ့ကြရမှာပါ။  ဒီတော့ ပင်မ အရင်းကြီးကို အရင်နားလည်ကြည့်ရအောင်။

 

            အီလက်ထရွန်းနစ် ဆိုတာ "အီလက်ထရွန်များ၏ ရွေ့လျားမှုကို လေ့လာသော ဘာသာရပ်"  ဖြစ်ပါတယ်။ ဒီနေရာမှာ တချို့သော ပညာရှင်တွေနဲ့ သဘောထားချင်းကွဲလွဲသွားစရာရှိပါတယ်။ ပြဿနာတော့ မရှိပါဘူး။ သူ့အမြင်ကိုယ့်အမြင်တော့ ကွဲလွဲမှုရှိနိုင်တာပေါ့။ မှားယွင်းနေတဲ့ အဖြေမဟုတ်ဘဲနဲ့လည်း အမေးတစ်ခုမှာ အဖြေတွေတစ်ခုမက ရှိနိုင်ပါတယ်။

 

            ကျယ်ပြန့်လှတဲ့ ဘာသာရပ်ပင်လယ်ပြင်ကြီးထဲမှာ ကျွန်တော်နားလည်ထားသလို အကျဉ်းဆုံးရှင်းပြရမယ်ဆိုရင် အီလက်ထရွန်းနစ်ဘာသာရပ်ကို အောက်ပါအတိုင်း နှစ်ပိုင်းခွဲခြားလေ့လာနိုင်ပါတယ်။

 

            အဲဒါတွေကတော့

  1. Solid State Electronic  (Semiconductor Electronic)
  2. Electronic Engineering (Circuitry Electronic)  တို့ပဲဖြစ်ပါတယ်။

 

 

            Solid State Electronics (Semiconductor Electronic)  

            ဒီခေါင်းစဉ်အောက်မှာတော့ Crystal နဲ့ Compound တွေထဲမှာရှိတဲ့ electron တွေရဲ့ ပြုမူပုံတွေကိုလေ့လာတာနဲ့ လက်တွေ့ applied လုပ်နိုင်အောင် သုတေသနပြုလုပ်စမ်းသပ်တာတွေ ပါဝင်ပါတယ်။ လက်ရှိ သုံးနေတဲ့ semiconductor တွေရဲ့ memory region ပိုကောင်းလာအောင်၊ အလုပ်လုပ်နိုင်တဲ့ frequency ပိုရလာအောင်၊ Nano technology component တွေရလာအောင် .. စသဖြင့်ပေါ့  အနုစိတ်တွက်ချက်ပြီး sample compound တွေကို ထုမယ်(အမှုန့်လုပ်မယ်)၊ ထောင်းမယ်၊ ကြိတ်မယ်၊ အပြားခတ်မယ်၊  မီးကင်မယ်(အပူပေးမယ်)၊ X-Ray ရိုက်မယ်၊ နောက်ထပ် compound တစ်ခုနဲ့ ရောမယ်၊ thin film process တွေလုပ်မယ်၊ FTIR Spectrum ရိုက်ကြည့်မယ်၊ ရလဒ်တွေကို table ဆွဲမယ်၊ conclusion ဆွဲမယ်၊ ဂရပ်တွေ နှိုင်းယှဉ်မယ်၊ ကောင်းမွန်တဲ့ ရလဒ်တွေရရင် fabrication လုပ်မယ်။ စသဖြင့်ပေါ့ဗျာ။ ဒါတွေက သန့်စင်တဲ့ သုတေသနတွေလို့ ပြောလို့ရပါတယ်။ "Electronic" ဆိုတာ အီလက်ထရွန်တွေရဲ့ ရွေ့လျားမှုကိုလေ့လာတဲ့ ဘာသာရပ်ဆိုတာ့ အထက်ပါ သုတေသနပညာရှင်တွေကို အီလက်ထရွန်းနစ်သမားတွေလို့လည်း စိတ်ချလက်ချ ခေါ်နိုင်ပါတယ်။ အဲလို သတ်မှတ်လို့ လုံးဝမှားမသွားဘူးဆိုတာ ကျွန်တော် ရဲရဲကြီး အာမခံနိုင်ပါတယ်။

 

            ရန်ကုန်တက္ကသိုလ် ရူပဗေဒဌာနမှာ ဒေါက်တာဖိုးကောင်း၊ ဒေါက်တာနေမျိုးခိုင်၊ ဒေါက်တာယဉ်မောင်မောင်၊ ဒေါက်တာဝင်းကျော်၊ ဒေါက်တာအေးအေးသန်း .. စသူတို့ဟာ အဲဒီလိုအပိုင်းတွေမှာလည်း လက်တွေ့သုတေသနပေါင်း မြောက်မြားစွာလက်ရှိ ပြုလုပ်နေကြပါတယ်။ စိတ်ဝင်စားသူများ ရှိရင် မိတ်ဆက်ပေးပါ့မယ်။ Solid State Electronic နဲ့ပက်သက်တာတွေကို ထပ်မံဖော်ပြရရင် အလွန်ကျယ်ပြန့်လာတော့မှာဖြစ်တဲ့အတွက်  ဒီလောက်နဲ့ပဲ အဆုံးသတ်ချင်ပါတယ်။

 

 

(1960 ၀န်းကျင်မှာ လေ့လာခဲ့ ကြတဲ့ solid state model တစ်ခု)

 

 

 

         Electronics Engineering (Circuitry Electronic)

          ကျွန်တော်တို့ အများစုနားလည်ထားကြတဲ့ အီလက်ထရောနစ်ပညာရှင်ဆိုတာတော့ ဒီခေါင်းစဉ်အောက်မှာ ရှိကြပါတယ်။ ဒီနေရာကျတော့ Electronic Engineering ကို အတိုကောက် electronic လို့ပဲသတ်မှတ်သွားကြရင်းနဲ့ နောက်ပိုင်းကျောင်းသားလေးတွေက အီလက်ထရွန်းနစ်ဆိုရင် TV, Radio, DVD, Computer ထဲက ဆားကစ်တွေကိုပဲ မျက်လုံးထဲ ပြေးမြင်တော့တာပေါ့ဗျာ။ ဒီစာစုလေးကလဲ electronic engineering အကြောင်းကိုပဲ အဓိကတင်ပြချင်တာဖြစ်ပါတယ်။ ဒါကြောင့် ဒီနေရာမှာ အီလက်ထရွန်းနစ်လို့ပဲအတိုကောက် ခေါ်ဝေါ်သွားမှာ ဖြစ်ပါတယ်။

 

            အီလက်ထရွန်းနစ် ၀ါသနာပါတယ်ဆိုတဲ့ ကျောင်းသားတစ်ယောက်ကို ဘယ်လိုလမ်းကြောင်းတွေ ဖြတ်သန်းရမလဲဆိုတဲ့ အညွှန်းလေးကို ဗဟုသုတအဖြစ် ပေးချင်လို့ ဒီစာစုလေး ရေးရခြင်းပါ။ အီလက်ထရွန်းနစ်နဲ့ ပတ်သက်ပြီး Applied လုပ်ဖို့ဘက်ကို ရည်ရွယ်ပါတယ်။ ဒီတော့ စလိုက်ကြရအောင်။

 

            Electronic ကို နှစ်ပိုင်းခွဲနိုင်ပါတယ်။ Analog နဲ့ Digital ဆိုပြီးတော့ပါ။

 

 

 

                Analog Electronics

            ပထမဦးဆုံး စလေ့လာရမှာတော့ Analog အီလက်ထရွန်းနစ်ပါ။ ရူပဗေဒကျောင်းသား၊သူ အများစုက အခြေခံတွေ သိပြီးသားဖြစ်တယ်လို့ယူဆပါတယ်။ ဒါကြောင့် သီအိုရီမဆန်တဲ့ ပုံစံနဲ့ပြောသွားမှာဖြစ်ပါတယ်။ Analogue Electronic နဲ့ သက်ဆိုင်တာတွေ၊ component တွေကို အကြမ်းမျဉ်း မိတ်ဆက်ရရင်

 

-       AC/DC/ Volt/Ohm/Current/Capacitance/inductance/resistance/ …  

 

-       Resistor  ( ရီစစ္စတာ ဆိုတာဘာလဲ၊ ဘယ်နှစ်မျိုးရှိလဲ၊ ဘယ်လိုအသုံးပြုနိုင်လဲ၊ စသဖြင့်ပေါ့... variable resistor တွေကို အပြင်မှာ သွားဝယ်ရင် VR လို့မေးမ၀ယ်ပါနဲ့ volume control (ဗော်လွန်းကွန်ထရိုး) ၊ preset စသဖြင့်မေးဝယ်ရမှာပါ။ စာအုပ်ထဲက အခေါ်အဝေါ်တွေနဲ့ သွားဝယ်ရင် ဒီချာတိတ်ကတော့ ခုမှလက်တွေ့စမ်းမယ့် သင်တန်းသားလေး (beginnerလေး) ဆိုတာ လူတွေသိသွားလိမ့်မယ်။)

 

-       Diode ( ဒိုင်အုပ်တွေကရော ဘယ်လိုတည်ဆောက်ထားတာလဲ၊ ဘယ်လိုအသုံးပြုနိုင်လဲ၊ ဒိုင်အုပ်တွေဆိုတော့ ပါဝါဆပ်ပလိုင်းမှာ စပြီးလက်တွေ့စမ်းရမယ့် ပစ္စည်းပါ။ နောက်ပြီး မီးလင်းတဲ့ LED ဒိုင်အုပ်တွေ၊ ဇီနာလို့ ခေါ်တဲ့ breakdown voltage region နဲ့ ဒိုင်အုပ်တွေ .. စသဖြင့်ပေါ့။ ကျွန်တော်ဆိုရင် လက်တွေ့ပြီးမှ စာတွေ့ဘက်ကူးသူမို့လို့ ဇီနာဆိုတဲ့ ဒိုင်အုပ်ကို စစချင်းအသံမထွက်တတ်ဘူး၊ လက်တွေ့မှာလဲ အသုံးနဲတယ်လေ။ စိတ်ထဲမှာ နာဇီလိုလိုဘာလိုလိုနဲ့ ကိုယ့်ဘာသာကို ကြံဖန်ပြီးအသံထွက်ပစ်လိုက်တယ် .. ကလေးပဲရှိသေးတာကိုး .. )

 

-       Transistor (ထရန်စစ္စတာတွေဖွဲစည်းပုံနဲ့ သူ့ရဲ့ အသုံးဝင်ပုံ အသုံပြုပုံများစွာဟာ အကျယ်တ၀င့် လေ့လာသင့်ပါတယ်။ ကျွန်တော်တို့ သူငယ်ချင်းတွေ နောက်လေ့ရှိတာက မဟာသုတေသနကျမ်းကို transistor as a switch ခေါင်းစဉ်နဲ့ ယူရင်ကောင်းမလားလို့လေ၊ အဲဒီလို နောက်ပြောင်ရလောက်အောင်လဲ transistor ကကျယ်ပြန့်ပါတယ်။)

 

-       Capacitor (Condenser (ကွန်ဒင်ဆာ) လို့မှတ်ထားပါ။ ဈေးကွက်မှာ အဲလိုပဲခေါ်ကြပါတယ်။ မောင်ခိုင်လမ်းမှာ ကယ်ပယ်စီတာလို့ သွားမေးရင် ဘာလဲလို့ ပြန်မေးခံရနိုင်ပါတယ်။ Disc ကယ်ပယ်စီတာလေးတွေကို ဈေးကွက်မှာ ဒစ်ပြားလေးတွေလို့လဲခေါ်တယ်၊ ပဲလှော်လို့လဲခေါ်ပါတယ်။ ပီအပ်ဖ် (pf) လို့လဲခေါ်ကြတယ်ဗျ။  Miler နဲ့ Ceramic Condenser တွေကို  ကျတော့ နှစ်မျိုးပေါင်းပြီး မိုင်လာလို့ပဲ သူတို့ကိုခေါ်ဗျို့။ ကျောင်းက ဆရာမတွေကျတော့ စာအုပ်ထဲကအတိုင်း မခေါ်ရင် ပြဿနာတက်နိုင်တဲ့ အတွက် အခေါ်အဝေါ်တွေ သူ့နေရာနဲ့သူမှန်အောင်လို့ အကျင့်လုပ်ထားပေါ့ဗျာ။)

 

-       Transformer (မြန်မာလို လျှပ်တာပြောင်းလို့ခေါ်ပါတယ်။ ထရန်စဖော်မာလို့ပဲ ခေါ်ပေါ့။ တော်ကြာ 12 ဗို့ လျှပ်တာပြောင်းတစ်ခုပေးပါဆိုရင် လူတွေဝိုင်းကြည့်နေဦးမယ်။)

 

-       Relay (ရီလေးတွေ အမျိုးမျိုးရှိပေမယ့် ၀ါသနာရှင်အဆင့်မှာ dc relay တွေကို အသုံးများပါတယ်။ DC Relay တွေနဲ့ပတ်သက်တဲ့ ဆားကစ်လေးတွေပဲ များများစားစားစမ်းလို့ရမှာကိုး … AC Relay ကိုတော့ သတိထားပြီးစမ်းပါ။ ကျွန်တော်ဆိုရင် AC Relay စမ်းရင်းနဲ့ ငုံ့ပြီးအလုပ်မှာ လည်ပင်းက ဆွဲကြိုးက ရှော့ရိုက်သလိုဖြစ်ပြီ ဆွဲကြိုးပြတ်ထွက်သွားဖူးတယ်။ ဇက်ကျောတက်နေတာနဲ့ အတော်ပဲဖြစ်သွားတာပေါ့။ နောက်တာပါ။ သတိထားရပါမယ်။ အန္တရာယ်ရှိပါတယ်။ )

 

-       Meter ( ဒီဂျစ်တယ်မီတာတွေရော၊ အင်နာလော့မီတာတွေရော အမျိုးစုံ ကိုင်တွယ်တိုင်းတာ တတ်ရပါမယ်။ ဈေးကွက်ထဲမှာ DT-830B ဆိုတဲ့ ဒီဂျစ်တယ်မီတာတွေ အများဆုံးတွေ့ရပါတယ်။ မပူပါနဲ့ ပျက်မှာပါပဲ။ အိမ်မှာတောင် အပျက်တွေ လေးငါးလုံး ရှိတယ်။ နောက်ပိုင်းဝင်လာတာတွေက ဈေးလဲပေါသွားပြီး ကွာလတီတွေလဲ လျော့သွားပါတယ်။ လက်တွေ့လုပ်မယ်ဆိုရင် ဒီဂျစ်တယ်ရော၊ အန်နာလော့ရော မီတာနှစ်မျိုးစလုံး ရှိသင့်ပါတယ်။ )

 

-       Project Borad (project board က ကြာလေဈေးတက်လေဗျ၊ အရင်တုန်းက ပရောဂျက်ဘုတ်တစ်ခုဟာ 2800 Ks ကနေ အခုဆို 5000 Ks ကျော်သွားပါပြီ။ သူငယ်ချင်းတွေနဲ့ ၀ိုင်းလုပ်တယ်ဆို ကိုယ့် ပရောဂျက်ဘုတ်လေးမှာ ကိုယ့်နာမည်လေး သေချာရေးထားနော။ ကိုယ်တွေ့ .. ကိုယ်တွေ့ … )

 

-       I.C  (အိုင်စီတွေက မျိုးစုံရှိတယ်လေ။ ခြေထောက်သုံးချောင်းကနေ ၊ ခြေထောက်ထောင်ကျော်အထိပေါ့ အားလုံးက အိုင်စီတွေချည်းပဲ၊ အိုင်စီတွေချည်းပဲဆိုလို့ ဂေါက်ကြောင်တွေချည်းပဲလို့ပြောတာ ဟုတ်ပါဘူးဗျာ။ Integrated Circuit တွေကို ဆိုလိုတာပါ။ လေ့လာလို့လွှတ်ကောင်းပေါ့ဗျာ …. )

 

-       …..          

 

အင်း .. component တွေအကြောင်းလိုက်ရေးရရင်တော့ အများကြီးပေါ့ဗျာ။

ရှေ့နဲနဲဆက်ကြရအောင် .. ။

 

            အန်နာလော့ အီလက်ထရွန်းနစ်အပိုင်းမှာ သုတေသနပြုလုပ်မယ့် ကျောင်းသားတွေနဲ့ electronic circuit design ပညာရှင်လုပ်မယ့်သူတွေ အရင်ဆုံးကျွမ်းကျွမ်းကျင်ကျင်လေ့လာထားရမှာကတော့ 555 (IC) နဲ့ Op-Amp (Operational Amplifier) အသုံးချမှုများဖြစ်ကြောင်းပါ။

 

            အဲဒါတွေကို ဘယ်မှာ သွားလေ့လာရမလဲဆိုတော့ ကျောင်းစာအုပ်တွေထဲမှာလည်းပါပါတယ်။ အပြင်သင်တန်းတွေလည်း ရှိပါတယ်။ အပြင်စာအုပ်တွေလည်းရှိပါတယ်။ အကုန်အကျ အသက်သာဆုံးနဲ့ တကယ်တတ်ချင်ရင်တော့ အပြင်စာအုပ်တွေဝယ်ဖတ်ပြီး ကိုယ်တိုင် ခဲဂေါက်လေး ကိုင်ကြည့်ဖို့ လမ်းညွှန်လိုက်ပါတယ်။ အပြင်စာအုပ်တွေထဲမှာ ညွန်းရမယ်ဆိုရင်တော့ ဦးမောင်မောင်မြတ်(3M) ၊ ဦးသန်းဆင့် (နေလင်းအီလက်ထရွန်းနစ်)၊ ဦးထိန်ဝင်း (LPW)  က ထုတ်တဲ့ စာအုပ်တွေပါပဲ။ အားလုံးပေါင်း ၁၀ အုပ်မကျော်ပါဘူး။ အခြေခံနဲ့ အလယ်အလတ်အဆင့်အတွက် လုံးဝကို ပြည့်စုံလုံလောက်ပါတယ်။ အဲဒီနည်းလမ်းနဲ့ အဆင်မပြေဘူးဆိုရင် အက်ဒီဆင်၊ နေလင်းအီလက်ထရွန်းနစ်၊ တိုမ်းရေဒီယိုသိပ္ပံ  လိုအပြင်သင်တန်းကျောင်းတစ်ခုခုပေါ့။ အဲဒါတွေဖတ်ပြီးတတ်ပြီးရင်တော့ ကိုယ်အဆင်ပြေမယ့်ဘက်ကို ထပ်လေ့လာပါ။ ကိုယ်က TV, Video ပြင်ချင်တာလား၊ ဆားကစ် အထူးအဆန်းတွေထွင်ချင်တာလား၊ အဆင့်မြင့် အီလက်ထရွန်းနစ်ကို ထပ်လေ့လာချင်တာလား စသဖြင့်ပေါ့။ analog အပိုင်းကို အရိုးရှင်းဆုံးမိတ်ဆက်တာပါ။ တကယ်တတ်ချင်ရင် ကျောင်းထဲက လက်တွေ့ခန်းတွေကို အားမကိုးပါနဲ့။ တခြားတော့ဟုတ်ဘူး။ လက်တွေ့ကျွမ်းကျင်ဖို့ဆိုရင် အိမ်မှာကိုယ်တိုင်လုပ်မှ ရမှာမို့လို့ပါ။ ကျောင်းထဲက lab ခန်းတွေနဲ့ pratical တွေက ကိုယ်ဘယ်လောက်သိပြီလဲ ဆိုတာပြန်ပြီး စစ်ဆေးနိုင်တဲ့နေရာတွေလို့ပဲ သဘောထားပေးပေါ့။ ကျွန်တော်ဆိုရင် pratical  ခန်းထဲမှာ experiment တစ်ခုချပေးလိုက်ပြီဆို သူများထက်စောပြီး ကိုယ့်အဖွဲ့ကoutput ထွက်ရင် ကိုယ့်ဘာသာကိုယ် ကျေနပ်နေတာပါဘဲ။ ကိုယ်ဦးဆောင်တဲ့အဖွဲ့ က အတန်းထဲက စောစောလစ်လို့ရတာပေါ့ .. ဟုတ်ဘူးလား။

 

 

            ကျွန်တော်နှင့် အင်နာလော့

 

            ကျွန်တော်ကတော့ ပထမဆုံး ကိုးတန်းကျောင်းသားဘ၀တုန်းက LED မီးသီးလေးတွေကို မှိတ်တုတ် မှိတ်တုတ်ဖြစ်စေမယ့် ဆားကစ်ကလေးဆင်ခဲ့ဖူးတယ်။ ထရန်စ္စတာလေးနှစ်လုံး၊ ကယ်ပယ်စီတာလေးနှစ်လုံး၊ ရီစစ္စတာလေးနှစ်လုံးနဲ့ပေါ့ .. အဲဒါကို flip flop လို့တော့ ပြောတာပဲ ကိုယ်လဲ မသိဘူးလေ။ နေလင်းအီလက်ထရွန်းနစ်စာစဉ်တွေဖတ်ပြီး ခဲတို့ကြည့်တာပေါ့။ နောက်ပြီး အဖေ့ဆီမှာရှိတဲ့ အမ်ပလီဖိုင်ယာတစ်လုံးကို အသံအနိမ့်အမြင့်အလိုက်ပြတဲ့ မီးပြေးဆားကစ်လေးတပ်ချင်တာနဲ့ chip အီလက်ထရွန်းနစ်က ထုတ်တဲ့  circuit တစ်ခုဝယ်ပြီးဆင်ပါတယ်။ ဘယ်လိုမှ output မထွက်ပါဘူး။ မထွက်ဘူးဆို ကျွန်တော်က သင်တန်းမတက်ခဲ့တော့ အခြေခံမသိဘဲလျှောက်လုပ်နေလို့ပေါ့။ နောက်တစ်လလောက်နေမှ (၁၀ တန်းဖြေပြီး) ကိုယ့်အမှားကို သွားတွေ့တယ်။ ပြောရင်လဲ လူရယ်စရာဖြစ်မယ်။ စက်တစ်ခုမှာ ပါဝင်တဲ့ ဆားကစ်တွေအားလုံးရဲ့  ground တွေအားလုံးပေါင်းနေတယ်ဆိုတာကို အဲကျမှ သိတာကိုးဗျ။ ground တွေမပေါင်းတော့ ဘယ်လိုလုပ် မီးပြေးဆားကစ်က အလုပ်လုပ်နိုင်ပါတော့မလဲ။

 

            ဒီနောက်ပိုင်းမှာ ဦးထိန်ဝင်း (LPW) ရေးတဲ့ audio ပိုင်းဆိုင်ရာဆောင်းပါးတွေ ဖတ်ကြည့်ပြီး amplifier တွေနဲ့ audio ဘက်ကိုရောက်သွားပါတယ်။ watt 400 Amplifier ကြီးဆင်မယ်ပေါ့။ အဖေတို့က ခမောက်လို့ ခေါ်ကြတဲ့ power transistor ကြီးတွေက ဈေးကြီးပါဘိသနဲ့။ ကြာလေ ဈေးတက်လေဖြစ်တဲ့ အထဲမှာ အဲကောင်တွေလည်းပါတယ်။ (2N3055 နဲ့ MJ2955) ငွေမှင် တို့ဟာ မြန်မာနိုင်ငံမှာ အသုံးအများဆုံး (complementary) အတွဲ power transistor ကြီးတွေဖြစ်ပါတယ်။ ပထမဆုံးဆင်ဖြစ်တဲ့ amplifier ကြီးက watt (200x200) stereo ကြီးပါ။ သင်္ကြန်တွင်းတွေဆိုလဲ 12 လက်မ ဘောက်ကြီးတွေနဲ့ ကဲလို့ကောင်းမှကောင်းပေါ့။ နောက်ပိုင်းမှာ ဆားကစ်တွေ  တစ်ခုပြီးတစ်ခု ဆင်လိုက်တာ ဆားကစ်အပျက်တွေတစ်ပုံကြီး ဖြစ်လာပါလေရောဗျာ။ ကျန်ကျောင်းအိတ်နဲ့ သုံးအိတ်စာလောက်ရှိမယ်။ မယုံမရှိနဲ့ဗျ။ ကလိတာကို ၀ါသနာပါလို့လေ။ CHIP Electronic နဲ့ LPW Electronic ကထုတ်တဲ့ ဆားကစ်တွေမှန်သမျှ နံပါတ်စဉ်တွေနဲ့ အကုန်လုံးလိုလို ၀ယ်ဖြစ်ပါတယ်။ အကုန်လုံးကိုတော့ မဆင်ဖြစ်ပေမယ့် ဆားကစ်တွေကို လိုက်ကြည့်ပြီး လေ့လာတဲ့ သဘောပေါ့။ Surround Sound System ဆိုရင်လဲ frequency တစ်ခုကို လိုင်း 10 လိုင်း ခွဲထုတ်ပြီး amplifier 10 လုံး၊ စုစုပေါင်း amplifier အလုံး ၂၀ (stereo အတွက်) ဆင်ပြီး ပတ်လည်အသံပြေးစနစ်ကြီး လုပ်လိုက်ပါသေးတယ်။ ရလဒ်ကိုတော့ မသိချင်ပါနဲ့။ ပြောရမှာ ရှက်စရာ။ ပြီးတော့ သင်္ကြန်တွင်းမှာ electric guitar နဲ့တွဲတီးဖို့ effect တွေနဲ့ mixer တွေကိုလဲ အသေအလဲဆင်ပါတယ်။ နောက်ပိုင်းမှာတော့ O.C.L, B.C.L Amplifier တစ်လုံးကို ကိုယ်တိုင် ဒီဇိုင်းဆွဲနိုင်တဲ့ အထိဖြစ်လာပါတယ်။ Audio IC တွေဆိုရင်လဲ နံပါတ်ရွတ်လိုက်တာနဲ့ အထွက်ဝပ်က ဘယ်လောက် ဘယ်နေရာမှာသုံးတယ်။ ပင်ဘယ်နှစ်ချောင်းပါတယ်။ အဲသလိုကို မှတ်မိလာတာဗျို့။

 

            ရန်ကုန်က မီးပျက်လွန်းအားကြီးတယ်ဗျာ။ အဲဒီတုန်းက မီးစက်လဲ မ၀ယ်နိုင်တော့ အင်ဗာတာကိုယ်တိုင်ဆင်တယ်ပေါ့။ Transformer တော့ကိုယ်တိုင်ကွိုင်မပတ်နိုင်လို့ ဆင်ပြီးသားဝယ်တယ်။ TR; , 555 , 4011, 4047  IC တွေနဲ့ တစ်ကဒ်ပျက်လိုက် နောက်တစ်ကဒ် ထပ်ဆင်လိုက် … လောင်သွားလိုက်၊ အသစ်ဆင်လိုက်၊ ကလိလာလိုက်တာ နောက်ဆုံး 3524 (Switching Mode) စနစ်နဲ့ (FET) တွေသုံးပြီး ဆင်တဲ့ အင်ဗာတာ လေးကတော့ ခုထိတော့ မပျက်သေးဘူးဗျ။ Step Sine Wave အင်ဗာတာတွေပေါ်လာတော့ 24V step sine wave တွေဘာတွေ လျှောက်လုပ်ကြည့်လိုက်ပါသေးတယ်။

 

            အခုတော့ကော … အင်း .. အခုတော့ အဲဒါတွေအားလုံးကို ရပ်နားထားရပါတယ်။ အမြင်မှန်ရသွားပါပြီ။ဘာကြောင့်လဲဆိုတော့ အဲလောက်အကုန်အကျမများဘဲနဲ့ ကိုယ်တိုင်ဆင်တာထက်အများကြီး ပိုကောင်းတဲ့ တရုတ်ကထုတ်တဲ့ စက်တွေကို ဈေးပေါပေါနဲ့ ၀ယ်လို့ရနေတဲ့အတွက် ဖြစ်ပါတယ်ခင်ဗျား။

 

 

(Circuit လေးတွေ ကိုယ်တိုင်ဆင်ပြီးသုံးရတာ အလွန်ပျော်စရာ ကောင်းပါတယ်။)

 

 

 

(အခြေခံအဆင့်တွင် သိရမည့် အီလက်ထရွန်းနစ် component များ)

http://upload.wikimedia.org/wikipedia/commons/e/ea/Componentes.JPG

 

 

 

(An Analogue Electronic Circuit)

 

 

 

            Digital Electronics 

            ဒီဂျစ်တယ်ကို လေ့လာရင် ကျော်ဖြတ်ရမယ့် အပိုင်းတွေကို  အနဲငယ် မိတ်ဆက်လိုက်ပါတယ်။ ဒီဂျစ်တယ် အီလက်ထရွန်းနစ် ၀ါသနာရှင်တွေ အားလုံးတော့ သိပြီးသားဖြစ်မှာပါ။

 

-       ပထမဆုံး Number system တွေကို သင်ယူရပါမယ်။ base အမျိုးမျိုးနဲ့ number system  တွေပေါ့။

 

-       Gate တွေကို သိရပါတော့မယ်။ Gate မျိုးစုံနဲ့ သူ့တို့ရဲ့ အကြောင်းတွေ ၊ အစုံပဲ။ တစ်ချို့ကတော့ သိပြီးသားတွေပါ။

 

-       TTL နဲ့ COMOS အသုံးပြုထားတဲ့ အိုင်စီတွေသုံးပြီး ဒီဇိုင်းတချို့စဆွဲလို့ရပါပြီ။

 

-       ဒီနေရာမှာ Boolean Algebra နဲ့ Karnaugh Maps ကို သင်ရပါလိမ့်မယ်။

 

-       ဒီနောက်မှာတော့ Flip-Flop နဲ့ Memories Device တွေ Counter တွေကို လေ့လာရပါမယ်။

 

-       SAP လို့ခေါ်တဲ့ Microprocessing အခြေခံတွေ ဆက်လက်လေ့လာပြီးရင်တော့

 

-       8085 လို processor level ကိုရောက်ရှိလာမှာဖြစ်ပါတယ်။

 

-       ADC, DAC  တွေနဲ့ Interfacing တွေလုပ်ရပါမယ်။

 

 

            ဒီနေရာကို ရောက်ပြီဆိုရင်တော့ intermediate အဆင့်ကို ကျော်လွန်လာပြီလို့ ယူဆလို့ရပါတယ်။

 

 

(Surface Mounted Devices)

 

 

 

(80486 Microprocessor)

 

 

            ကျွန်တော်နှင့် ဒီဂျစ်တယ်

 

            ဒီဂျစ်တယ် အီလက်ထရွန်းနစ်ဟာ အမှန်တော့ အန်နာလော့နဲ့ ပူးတွဲလေ့လာရမှာပါ။ ဒီနေရာမှာ ခွဲပြောသလိုဖြစ်သွားပါတယ်။ ဒီဂျစ်တယ် အီလက်ထရွန်းနစ်ကို သင်တန်းမတက်ပဲ လေ့လာချင်တယ်ဆိုရင် ၀င်းထက်ဝင်းရေးတဲ့ (Digital Electronic) စာအုပ်နဲ့တင် အတော်ကြီး အကျိုးရှိမှာဖြစ်ပါတယ်။ သင်တန်းတက်မယ် ဆိုရင်တော့ အခြေခံကစပြီး စနစ်တကျသင်ပေးတဲ့ ကန်တော်လေးက ဆရာဦးခင်ဌေး ရှိပါတယ်။ ကျွန်တော်လဲ တစ်လ၊ နှစ်လ တက်ဖူးပါတယ်။ ဆရာသင်တာအရမ်းကောင်းပေမယ့် .. ဖြတ်လမ်း၊ အလွယ်လမ်းကို လိုက်ချင်နေခဲ့တဲ့ ကျွန်တော့်အတွက် စိတ်မရှည်ချင်စရာကောင်းခဲ့ပါတယ်။ ကျွန်တော်သင်ခဲ့ဖူးတဲ့ ဆရာတွေထဲမှာတော့ ဒီဂျစ်တယ်ဆရာကြီး ဦးခင်ဌေးဟာ အသင်အပြ အကောင်းဆုံးဆရာတွေထဲက တစ်ယောက်ပါဘဲ။

 

            ဒီနေရာမှာ ပညာရပ်ပိုင်းဆိုင်ရာတွေကို မဆွေးနွေးချင်တော့ပါဘူး။ အရမ်းကို ကျယ်ပြန့်သွားမှာဖြစ်တဲ့ အတွက်ကြောင့်ပါ။ ကျွန်တော်ရဲ့ အတွေ့အကြုံတစ်ချို့ကိုသာ ပြန်ရေးလိုက်ပါတယ်။ တစ်စုံတစ်ခုတော့ အကျိုးရှိမှာပါ။ ကျွန်တော်ဆိုရင် ဒီဂျစ်တယ် အီလက်ထရွန်းနစ်ကို စိတ်ဝင်စားဖြစ်နေတဲ့ကာလမှာပေါ့။ ရန်ကုန်တက္ကသိုလ် သိပ္ပံနှစ်ထပ်ကန်တင်းရှေ့က ကံ့ကော်ရွာဆိုတဲ့ ကန်တင်းမှာ နေ့တိုင်းထိုင်ဖြစ်ပါတယ်။ အဲဒီတုန်းက ကျွန်တော်နဲ့ ကိုလမင်းသောင်းထွန်း (laminthaungtun.1979@gmail.com) တို့ဟာ ဒီဂျစ်တယ် အပိုင်းကို စိတ်ဝင်တစား လေ့လာဖြစ်တဲ့ အချိန်ပါ။ ကိုလမင်းကတော့ ကျွန်တော့်ရဲ့ဆရာပါ။ ကျွန်တော်တို့ ဘာ output လိုချင်လဲ သူ့ကိုသာမေးလိုက် ။ သူကချက်ချင်းပဲ လက်တန်း စာရွက်ပေါ်မှာ တွက်ထုတ်ပေးပါတယ်။ ပြီးရင်တစ်ခါတည်း truth table တွေဆွဲပြီး ရှင်းပြပါတော့တယ်။ အဲဒီလို ကျွမ်းကျင်သူပါ။ ကျွန်တော်ကတော့ ဒီဂျစ်တယ် အီလက်ထရွန်းနစ်ကို သဘောကျလာပါတယ်။ ဘာလို့လဲဆိုတော့ ကိုယ်လိုချင်တဲ့ output ကို အရင်စဉ်းစားလိုက်ပါ။ အဲဒီအောက်ပွတ်ကို ရလာအောင် နည်းမျိုးစုံနဲ့ ဂိတ်တွေကိုဆင်နိုင်ပါတယ်။ ပြောမယ်ဆိုရင်တော့ ပုစ္ဆာတစ်ခုမှာ အဖြေတွေအများကြီး ရှိနေပါတယ်။ ကိုယ်လိုချင်တဲ့ ရလဒ်ကို အရိုးရှင်းဆုံးနဲ့ ကုန်ကျစားရိတ်အသက်သာဆုံးဖြစ်အောင် ဆင်နိုင်ဖို့ပဲလိုပါတယ်။ အဲဒါကို သဘောကျတာပါ။ ကျွန်တော်အနေနဲ့ ကိုလမင်းကို ပုစ္ဆာတစ်ခုချပြပြီး ကန်တင်းဝိုင်းလေးကို စိုပြေလာအောင် (ဒါမှမဟုတ်) ခြောက်ကပ်သွားအောင် လုပ်လေ့ရှိပါတယ်။ တစ်ချို့ကတော့ စားချင်တာစား ခေါင်းတော့လာမစားနဲ့ဆိုပေမယ့်၊ ကိုလမင်းကတော့ အဲလိုခေါင်းစားရတာကို သဘောကျတဲ့သူပါ။ နောင်လမ်းကြုံရင်လဲ သူ့ဆီမှာအဲလိုဝင်ပြီး ခေါင်းစားနိုင်ပါတယ်။

 

            ဒီဂျစ်တယ် အီလက်ထရွန်းနစ်မှာ ကျွန်တော်တို့ ခေါင်းစားခဲ့ကြတဲ့ တစ်ချို့သော ပုစ္ဆာလေးတွေကို ကိုပြန်ပြောရမယ်ဆိုရင်

 

-       ခန်းမထဲကို လူဝင်လူထွက် စစ်ချင်တယ် လူကိုပဲစက်က ကောင့်လုပ်ရမယ်။ တိရိစ္ဆာန်တွေကို မမှတ်ရဘူး။

 

-       ခလုတ်နှစ်ခုထားပေးရမယ်။ ဘယ်ဘက်ကပဲနှိပ်နှိပ်မီးလုံးကို  ဖွင့်ထားရင် ပိတ်ပေးရမယ်။ ပိတ်ထားရင် ဖွင့်ပေးရမယ်။

 

-       LED ဆိုင်းဘုတ်တစ်ခု ဒီဇိုင်းဆွဲကြည့်ကြမယ်။ အလွယ်ဆုံး ဒီဇိုင်းပေါ့။

 

-       Stepper motor ကို အလွယ်တကူ gate လေးတွေနဲ့ မောင်းကြည့်ချင်တယ်။ gate တွေနဲ့ ဒီဇိုင်းဆွဲကြမယ်။

 

-       ကျောင်းသားတွေကို digital အကြောင်းသင်တဲ့အခါ အသုံးဝင်မယ့် gate development ဘုတ်တစ်ခုလုပ်ကြမယ်။

 

-       ဒီမောဂန်း သီအိုရီတွေကို လက်တွေ့သက်သေပြနိုင်တဲ့ Gate ဘုတ်တစ်ခု ဒီဇိုင်းချကြည့်မယ်။

 

-       555 နဲ့ 4017 အိုင်စီကိုတွဲပြီး မီးပြေးဆားကစ် အလွယ်ဆုံးဘယ်လိုလုပ်ကြမလဲ။

 

-       Flip-flop IC တွေကို သုံးပြီး ကိုယ်ပိုင် memory device တစ်ခုလုပ်ကြမယ်။

 

-       အလွယ်ကူဆုံး key pad တစ်ခု ဘယ်လိုဒီဇိုင်းထုတ်မလဲ။

 

-       ဒီဂျစ်တယ် နာရီတစ်လုံး 7 segment တွေနဲ့လုပ်ကြည့်ရအောင်

 

-       ……

 

စသဖြင့်ပေါ့ … တခြားသော ပဟေဠိတွေလည်း အဖြေညှိကြပါတယ်။

 

            ဒီဂျစ်တယ်နဲ့ ပတ်သက်ပြီးများများ မလုပ်ဖူးပေမယ့် လုပ်ဖူးတဲ့ ကိစ္စလေးတစ်ခုကို ဖောက်သည်ချချင်ပါတယ်။ တစ်နေ့မှာ ကိုလှိုင်မင်းအောင်(ယခု Hello ဂျာနယ် အယ်ဒီတာချုပ်)(စာရေးဆရာမင်းဝေဟင်) က ကိုခင်မောင်ဖုန်းနိုင်ဆီကို ဖုန်းဆက်ပါတယ်။ ကိုဖုန်းနိုင်ကတဆင့် ကျွန်တော့်ကို အသိပေးပါတယ်။ ဒဂုံတက္ကသိုလ်က ကျောင်းသူတစ်ယောက်ရဲ့ မဟာသုတေသန project တစ်ခု output မထွက်ဘူးဖြစ်နေပါတယ်တဲ့။ စိတ်ဝင်စားရင်လာကြည့်ပါပေါ့။ ဒီကကောင်တွေကလည်း ဘာရမလဲ စိတ်ဝင်စားပြီးသားပဲ။ အားချင်းပဲ ကိုလှိုင်မင်းအောင်ရဲ့ သင်္ဃန်းကျွန်းက နေအိမ်ကိုလိုက်သွားပြီး အဲဒါနဲ့သက်ဆိုင်တာတွေကို အိမ်ကို မ လာခဲ့ပါတယ်။ Output ထွက်စေရမယ်လို့လဲ အာမခံလိုက်ပါသေးတယ်။ ခုနေပြန်စဉ်းစားရင်တော့ အဲဒီပရောဂျက်က လွယ်လွယ်လေးပေါ့။ ဒါပေမယ့် နဲနဲတော့ လက်ပေါက်ကပ်ခဲ့ပါတယ်။ လက်ပေါက်ကပ်တာက စက်တစ်လုံးပုံစံကျအောင် အထိုင်ချ ၊ ဆင်ရတဲ့အပိုင်းမှာပါ။  ဒီဇိုင်းကို အကောင်းဆုံးရလဒ်ဖြစ်အောင် ကိုလမင်းနဲ့တိုင်ပင်ဖြစ်ပါတယ်။ ရန်ကုန်တက္ကသိုလ်က ဦးချစ်ကန်တင်းဝိုင်းထဲမှာပေါ့။ ကိုလမင်းက ကျွန်တော်စဉ်းစားထားတဲ့ ရိုးရှင်းတဲ့ ဒီဇိုင်းကို D-type flip flop တွေသုံးပြီး အဆင့်မြှင့်ပေးလိုက်ပါတယ်။ ကျွန်တော်လဲ အားရ၀မ်းသာနဲ့ အိမ်ပြန်သွားပြီး ဆားကစ်ဒီဇိုင်း ကို အကောင်အထည် ဖော်ပါတော့တယ်။

 

            တစ်ပတ်လောက်ကြာသွားပြီးတော့ အားလုံးအဆင်ပြေပြေ ဖြစ်သွားခဲ့ပါတယ်။ ကိုယ်လဲလေ့လာခွင့်ရ သူများလဲအဆင်ပြေပေါ့။ မိန်းကလေးတွေက သီအိုရီပိုင်းမှ ကျေညက်ခဲ့ရင်တောင် လက်တွေ့ပိုင်းမှာ အားနည်းကျတာ သဘာဝပါပဲ။ ဒါကြောင့်ကူညီခဲ့တာပါ။ အဲဒီနောက်ပိုင်း ကျွန်တော့်အိမ်မှာ ဆိုင်းဘုတ်တစ်ခုချိတ်လိုက်ပါတယ်။ တစ်မျိုးတော့မထင်ပါနဲ့ လက်တွေ့လေ့လာရင်းသင်ယူ၊ သင်ယူရင်းလက်တွေ့လေ့လာ လုပ်ချင်လို့ပါ။ အဲဒီစာကတော့ "ပညာရေးနယ်ပယ်ရှိ Electronics နှင့် သက်ဆိုင်သော Project များကို အခမဲ့တိုင်ပင်ဆွေးနွေးနိုင်ပါသည်။" ဆိုတာပါဘဲ။ ဒီနေ့အထိလည်း လိုအပ်လာရင် ကူညီပေးဖို့ အသင့်ပါဘဲ။ အခုဒီစာစုကို ဖတ်ရတဲ့ သူငယ်ချင်းတွေ၊ GTC (EC) ကျောင်းသားတွေ၊ M.Res , M.Sc, ME, B.E, .. Thesis တွေလုပ်ရင်း အခက်အခဲဖြစ်နေတဲ့သူတွေ …   စသဖြင့်ပေါ့ လိုအပ်တာတွေရှိရင် အားမနာပါနဲ့ ကျွန်တော်တို့ဝိုင်း ခေါင်းစား .. အဲ .. ၀ိုင်း စဉ်းစားပေးပါ့မယ်လို့ လေးစားစွာ ဖိတ်ခေါ်လိုက်ပါတယ်။

 

 

(စိတ်ဝင်စားဖွယ်ရာ အီလက်ထရွန်းနစ်ကမ္ဘာ)

 

 

            Advance Digital

            Digital ကို ဆက်လက်အဆင့်မြင့်သွားရင်တော့ programming language တချို့ နဲ့ မိတ်ဖွဲ့ရတော့မှာဖြစ်ပါတယ်။ ဒီကနေ့မှာ Electronic ကျောင်းသား၊ကျောင်းသူ များအကြား ခေတ်အစားဆုံးဖြစ်နေကြတဲ့ PIC Microcontroller တွေနဲ့ သူတို့ကို ခိုင်းစေနိုင်ဖို့ ရေးသားရမယ့် basic programming language အချို့ကို လေ့လာရမှာဖြစ်ပါတယ်။ PIC16F84 Microcontroller လေးကစလို့ နောက်ပိုင်း အဆင့်အမြင့်ဆုံး microcontroller ကြီးတွေအထိ လေ့လာရင် လေ့လာသလိုကျယ်ပြန့်နက်နဲတယ်လို့ ဆိုရမှာပါ။ ကျွန်တော်တို့လဲ ကျောင်းမှာ Microcontroller တွေနဲ့ project တွေစမ်းလုပ်ကြည့်ကြပါတယ်။ programming အခြေခံမပိုင် ကြားဖြတ်လေ့လာတော့ code တွေ copy ကူး၊ MP Lab ထဲထည့်၊ hex ဖိုင်ထုတ်၊ IC ထဲကို programming kit တစ်ခုခုသုံးပြီး ဘန်းထည့်၊ ကိုယ်ဆင်ထားတဲ့ PCB လေးပေါ်ပြန်တင် စမ်းသပ် ၊ အဲလိုမျိုးခရီးဆက်ရတာပေါ့။ တစ်ခါတစ်လေတော့လည်း PIC (Microcontroller) ကအဆင့်မြင့်နေပြီး ကိုယ်ခိုင်းတာလေးက မဖြစ်စလောက်လေးလိုဖြစ်နေတာလဲ ကြုံရပါတယ်။ ကိုလမင်းသောင်းထွန်း ဆိုရင် ၂၀၀၅ ခုနှစ်တုန်းက AT-89S51 Microcontroller ကြီးနဲ့ stepper motor လေးကို စမ်းမောင်းကြည့်ခဲ့ပါတယ်။ နှံပြည်စုတ်ကို အမြှောက်နဲ့ ချိန်သလိုဖြစ်နေမလားပဲ။

 

            Microcontroller ရဲ့ရှေ့ကို ဆက်လက်ထွက်ခွာကြည့်လိုက်မယ်ဆိုရင်တော့ … အခုလက်ရှိ တစ်ကမ္ဘာလုံးမှာ အထူးရေပန်းစားနေတဲ့ ARM Processor တွေရဲ့ အခန်းကဏ္ဍကို ရောက်ရှိလာပြီ ဖြစ်ပါတယ်။ ARM Development Board ထုတ်လုပ်သူတွေကလဲ နိုင်ငံတကာမှာရှိတဲ့ လက်တွေ့ပရောဂျက်လုပ်တဲ့ ကျောင်းသားတွေနဲ့ Electronic ပညာရှင်တွေဆီကို ရည်ရွယ်ပြီး Model မျိုးစုံထုတ်လုပ်နေကြပါတယ်။ ARM Processor တွေဟာ မိုဘိုင်းဖုန်းတွေ၊ portable အီလက်ထရွန်းနစ်ပစ္စည်းတွေ၊ mini-computer တွေ၊ tablet computer တွေ၊ E.Book Reader တွေ၊ လက်ကိုင်ဂိမ်းစက်တွေ၊ အိတ်ဆောင်အဘိဓာန်တွေ၊ Home Entertainment ပစ္စည်းတွေ၊ … ကုန်ကုန်ပြောရရင် ခေတ်မှီအီလက်ထရွန်းနစ်ပစ္စည်းတိုင်းမှာ နေရာယူလာကြပြီ ဖြစ်ပါတယ်။ အီလက်ထရွန်းနစ်နဲ့ပတ်သက်တဲ့ ထူးထူးဆန်းဆန်း ပစ္စည်းတစ်ခုကို စိတ်ကူးကြည့်ပါ။ အဲဒီစိတ်ကူးကို အကောင်းဆုံးပုံဖော်ပေးနိုင်တာကတော့ System On A Chip (SOAC) လို့ပြောနေကြတဲ့ ARM Processing နည်းပညာပါပဲ။ ကျွန်တော်တို့ရဲ့ ဒီ MPN (Myanmar Physics Network) ထဲမှာတော့ ARM processing နဲ့ပတ်သက်ပြီး အတွေ့အကြုံအရှိဆုံးက ကိုသူရမျိုး (trmyoo@gmail.com) ဖြစ်ပါတယ်။ လိုအပ်တာတွေရှိရင် ဖြစ်စေ၊ တစ်ခုခုကို လက်တွဲပြီး လုပ်ချင်သည်ဖြစ်စေ ကိုသူရမျိုးနဲ့ ဆက်သွယ်ပြီး အကူအညီ နဲ့ အကြံဥာဏ်တောင်းနိုင်ပါတယ်။

 

 

 

(ကနဦး ARM Processor များထုတ်လုပ်ခဲ့သည်မှ သုံးခုမြောက် Processor)

 

 

            Process of a Project

            အခုပြောချင်တာကတော့ ကျောင်းတွေမှာ ကျောင်းသား၊ ကျောင်းသူတွေ Electronic နဲ့ ပတ်သက်တဲ့ Thesis တင်ရင်ဖြစ်စေ ကိုယ်ပိုင် research လုပ်တဲ့လုပ်တဲ့ အခါမှာဖြစ်စေ circuit တစ်ခုဖြစ်လာသည်အထိဖြတ်သန်းရမယ့် အဆင့်လေးတွေဖြစ်ပါတယ်။ ဒီအတိုင်းအတိအကျကြီးတော့လည်း မဟုတ်ပါဘူး။  လုပ်ဆောင်ရမယ့် အဆင့်တွေနဲ့ သဘောတရား တွေကိုအကြမ်းမျဉ်း သိရှိနိုင်ဖို့ ရည်ရွယ်ပါတယ်။

 

-       ပထမဆုံး ကိုယ်ဖန်တီးချင်တဲ့ circuit ကို သီအိုရီတွေနဲ့ ရှာဖွေလေ့လာပြီးသေချာ ဒီဇိုင်းပြုရမှာဖြစ်ပါတယ်။ ဒီဇိုင်းတစ်ခုဆွဲတဲ့ အခါမှာ လက်နဲ့ဆွဲနိုင်သလို ကွန်ပျူတာပေါ်မှာ အီလက်ထရွန်းနစ် simulation software တွေသုံးပြီးတော့လည်း ဆွဲနိုင်ပါတယ်။

 

-       ဒီလိုလေ့လာတဲ့ နေရာမှာ ကိုယ်ကျွမ်းကျင်ရင် ကျွမ်းကျင်သလောက် တိတိကျကျဖြစ်အောင် အီကွေးရှင်းတွေ နဲ့တွက်ထုတ် ပုံစံပြုကြည့်နိုင်ပါတယ်။ မူလဆားကစ်တစ်ခုခုကို အဆင့်မြှင့်ထားတဲ့ (အသွင်ပြောင်းထားတဲ့၊ function ထပ်တိုးထားတဲ့၊ modified လုပ်ထားတဲ့) circuit ဆိုရင်လဲ ဘယ်နေရာတွေ ဘာကြောင့် ပြောင်းလဲသွားတယ်။ ဘယ်လိုအကျိုးတရားတွေ ဖြစ်လာတယ် စသဖြင့် စေ့စေ့ငှငှ လေ့လာထားရမှာ ဖြစ်ပါတယ်။

 

-       နောက်တဆင့်အနေနဲ့ ကိုယ့်ရဲ့ circuit ကို project board ပေါ်တင်ပြီး လက်တွေ့စမ်းသပ်ကြည့်ရပါမယ်။ ဒီနေရာမှာ တော့ လက်တွေ့ကျွမ်းကျင်မှုတွေက စကားတွေပြောပါလိမ့်မယ်။ jumper ကြိုးလေးတစ်ချောင်း မထိတထိ ဖြစ်နေတာလေးကလည်း ကိုယ့် circuit လေးရဲ့ output ကိုလုံးဝ ပိတ်ပင်ထားနိုင်ပါတယ်။ Analog ဆိုရင် output ဟာ distortion တွေ၊ Noise တွေဖြစ်ပေါ်နိုင်ပြီး၊ Digital ဆိုရင် err တွေတက်ပြီး logic တွေကြောင်နေနိုင်ပါတယ်။

 

-       Project Board ပေါ်တင်လို့ရလာတဲ့ result ကိုမူတည်ပြီး ကိုယ်ကပြင်ဆင်စရာရှိတာပြင်ဆင်ပြီး နောက်ထပ်အကြိမ်ပေါင်းများစွာ ထပ်မံစမ်းသပ်ရမှာဖြစ်ပါတယ်။ မိမိ တီထွင်ထားတဲ့ circuit ရဲ့အတိမ်အနက်ပေါ်မူတည်ပြီး ဆံပင်တွေလည်း ဖြူလာနိုင်ပါတယ်။ တစ်ခါတစ်လေ research တစ်ခုဟာ ဒီအဆင့်မှာ တစ်နေတတ်ပါတယ်။ မယုံမရှိနဲ့ ကိုယ်တွေ့နော် ..

 

-       ရလဒ်ကောင်းလေးတွေရပြီဆိုမှဖြင့် ကိုယ်နောက်ဆုံးဆင်ထားခဲ့တဲ့ circuit diagram ကို စာရွက်ပေါ်မှာဖြစ်စေ ၊ ကွန်ပျူတာ software သုံးထားရင် ကွန်ပျူတာပေါ်မှာပဲဖြစ်စေ အချောထပ်ဆွဲရပါမယ်။

 

-       အဲဒီအချောရလာတဲ့ circuit ကို PCB လို့ခေါ်တဲ့ Printed Circuit Board လုပ်ရပါမယ်။ PCB မလုပ်ဘဲနဲ့ ကိုယ့် Project ကို စာတမ်းဖတ်ပွဲမှာတင်ပြလို့မရပါဘူး။ ဒီတော့ ဒီနေရာလေးလဲ အရေးကြီးတယ်လို့ဆိုနိုင်ပါတယ်။ ကိုယ်တိုင်မလုပ်နိုင်ရင်လဲ အချိန်နဲ့ငွေ အများကြီးကုန်နိုင်ပါတယ်။ တကယ်တော့ PCB တစ်ခုလုပ်ရတာဟာ လွယ်ကူတယ်လို့ဆိုရမှာပါ။ အဲဒီအပိုင်းကို စိတ်ဝင်တစား သိရှိလိုသူများရှိရင် နောက်ထပ် ပိုစ့်တစ်ခုနဲ့  အသေးစိတ်ဖော်ပြပေးပါမယ်။ လောလောဆယ် ဒီအချိန်မှာ လမ်းညွှန်နိုင်တာကတော့ မောင်ခိုင်လမ်းထဲမှာ ရှိတဲ့ CHIP Electronic နဲ့ ဥသြ အီလက်ထရွန်းနစ်တို့မှာ Circuit ဒီဇိုင်းကိုပေးပြီး အပ်နိုင်ပါတယ်။ ကျွန်တော်တို့ရဲ့ ဒီ group ထဲမှာတော့ PCB နဲ့ပတ်သက်လာရင် ကိုအောင်ဝင်းမြင့် (gege015@gmail.com) က အကျွမ်းကျင်ဆုံးဖြစ်ပါတယ်။ ကျောင်းသားတွေနဲ့ ဆရာတွေရဲ့ လိုအပ်နေတဲ့ PCB တွေကို ကိုယ်တိုင်ဒီဇိုင်းဆွဲပြီး အစအဆုံး လုပ်ပေးခဲ့တာ မနည်းပါဘူး။ လိုအပ်ရင် အကူအညီတောင်းနိုင်ပါတယ်။ PCB လုပ်တာကိုင်တာ မကျွမ်းကျင် မသေသပ်ခဲ့ရင် အားလုံးပြီးကာမှ မိမိ Circuit Error တက်နေတာမျိုးလဲ ကြုံရနိုင်ပါတယ်။

 

-       အားလုံးပြီးပြီဆိုရင်တော့ တစ်ဖက်မှာလည်း မိမိရဲ့ thesis စာအုပ်ကို အချောသပ်ရင်းနဲ့ တစ်ဖက်လည်း စာတမ်းဖတ်ပွဲမှာ တင်ပြဖို့အတွက် circuit ကို လှလှပပလေးဖြစ်အောင် ပြင်ဆင်တဲ့အပိုင်းပါ။ ဒီနေရာမှာတော့ ကျွန်တော်ကျွမ်းကျင်ပါတယ်။ အလွယ်ဆုံးအပိုင်းမို့လို့ပါ။ J ကိုယ့် circuit လေးကို အောက်ခံဖော်မီကာ ပေါ်မှာ အချိုးကျကျ နေရာချရပါမယ်။ အပေါက်တွေဖောက်၊ မူလီတွေစုပ်၊ label တွေကပ် ၊ power supply အထိုင်ချ၊ လက်ရာတွေမထင်စေနဲ့၊ စတစ်ကာတွေအားလုံးပြီးမှခွာ .. စသဖြင့်ပေါ့ .. 

 

-       ဒီလောက်ဆိုရင် electronic thesis  project  တစ်ခု ဘယ်လိုအဆင့်တွေ ဖြတ်သန်းရသလဲဆိုတာ ယေဘုယျ အားဖြင့် သိရှိနိုင်မှာဖြစ်ပြီး  ရူပဗေဒ နဲ့ အီလက်ထရွန်းနစ် စလေ့လာမယ့် ကျောင်းသားတွေအတွက် အကျိုးတစုံတခု ရရှိနိုင်မယ်လို့ ယူဆပါတယ်။

 

 

(အီလက်ထရွန်းနစ်တွေ လုပ်တာလဲလုပ်ပေါ့။ အီလက်ထရွန်းနစ်အမှိုက်တွေအကြောင်းလဲ လေ့လာထားသင့်ပါတယ်။)

 

 

 

(တော်ကြာ ကိုယ့်အမေက ကိုယ်ကလိထားတဲ့အပုံကြီးကို အခုလို လိုက်ရှင်းနေရဦးမယ်။)

 

 

           ကျွန်တော်ရဲ့ "Introduction to Electronics Engineering" မှတ်စုလေးကို ဒီနေရာမှာပဲ ရပ်နားလိုက်ပါတယ်။ ရူပဗေဒ ကျောင်းသား၊ကျောင်းသူ တွေနဲ့ အီလက်ထရွန်းနစ် ၀ါသနာရှင်၊ ပညာရှင်တွေအားလုံး Electronic သူရဲကောင်းတွေ ဖြစ်လာစေဖို့ ဆန္ဒပြုလိုက်ရပါတယ်။       

 

                                                                                          Yaw Na Than (1.7.2011)

                                                                                        (Myanmar Physics Network)

 

Myanmar Physics Network @ https://www.facebook.com/home.php?sk=group_201144893246501

 

PDF @ http://www.mediafire.com/?nt5oybnde20q8ts

 

မူရင်း MPN_Doc @  https://www.facebook.com/home.php?sk=group_201144893246501&view=doc&id=234043656623291


View Post on Facebook · Edit email settings · Reply to this email to add a comment.

1 comment: